水草情迷

我想請問各位, 出面賣的鹿角台一般都綁響石或其他物件上, 我想用鹿角台作為前景鋪在泥上, 請問邊度有可以鋪在泥上的鹿角台賣? 種植方法如何? 十萬個多謝

係魚街應該冇鋪在泥上的鹿角台賣.鹿角台係冇根植物極難在泥面
固定生長,所以多數人都係張佢用線或網扎係木或者石上面,如果
你要做草皮效果,可以試下買扎係玻璃片上的鹿角台,一片片平
放係泥面.玻璃同玻璃之間可加小小牛毛或鹿角矮珍珠會仲靚Ｄ .種植方法同一般陽草一樣,簡單Ｄ講要鹿角台健康生長,魚缸每1L水最好有１Ｗ燈光,如24吋缸大約60-70L水,要60W燈,唔知你用緊乜燈座但係應該是以下組合t5hoX3,t5X4,t8X4,PLX2.同時一定要有co2,買co2 Set如果你覺得貴,可以DIY.點DIY可以用搜尋co2找到.


祝你成功.

ＰＳ:玻璃片鹿角台,可在水草X找找.

[b][color=green]hi, ocean chow:
多謝你既資料, 我都有留意到有綁在玻璃上的鹿角台, 我個陣時以為要拆除再種, 但考慮到佢無根, 且必須要有网(線)之類物件加固有物件上, 所以, 才發出提問, 你個方法都可行, 等我試下先.

而我本身有個鹿角台波波, 剛買時響有光照及diy CO2的情況下養左幾日後變黃,後來我將佢搬去CO2擴散器旁, 過兩日我見到佢地開始生返而且仲有泡泡在上面, 估計之前係因為需要適應新環境而作出咁既變化, 而家雖則未完全回覆成個綠色波波, 但相信養多一段時間應該會更好 [/color][/b]

你去旺角磁磚店， 問佢地要一些磁磚貨樣， 要一些沒有光面的。 回家慢慢打碎它們至一塊塊， 大細大約一吋丁方咁上下。 再綁鹿角苔， DIY ADA 鹿角台石， 攪掂！

又係一個好主意, 太多謝你地啦

我建議唔好用太大塊既野去綁， 因為咁會封閉左下面既水流， 同生物都好難入到去清理， 其他草好似牛毛又落唔到去生根。