水草情迷

開缸(24")已有三個星期(用ADA黑泥及power sand，CO2一秒一泡，兩支T5HO光管)。除了寬葉太陽死淨一小棵及小穀精有黃葉以外，其餘都冇乜事。但係約個半星期前發覺d草新生出來的部份與原來的很不一樣。
舉例：
1) 羽毛：本來很靚，真的很像羽毛。而且，頂部很易出泡。後來停止了出泡，而新生出來的部份就變色至偏啡色，羽毛狀的葉片就變得又幼又長，淨係向上生；
2) 變種百葉與一種忘記了名字的草：紫紅色。新生出來的部份只有嫩綠色。
3) 大寶塔、南極杉：冇乜事。
4) moss及鹿角苔：moss開始時部份變啡，後來看似已適應，生長良好。鹿角苔冇乜事。

所以做testing，試下係咪唔夠光。由原來六小時光照增加多三小時，CO2維持一秒一泡。發現：
1) 羽毛：依然冇泡，新生出來的部份依然偏啡色，羽毛狀的葉片依然又幼又長，依然淨係向上生；
2) 變種百葉與一種忘記了名字的草：新生出來的部份就開始有紫紅色；
3) 大寶塔、南極杉：以驚人o既速度生長。尤其係大寶塔，又長又粗壯。
4) moss及鹿角苔：moss及鹿角苔，生長良好，冇乜事。只係d鹿角苔被d魚抄散，每天都有部份浮上水面。

我覺得好迷惘:
- 咁其實佢地係唔夠光？定係太光？定係根本係唔同類，唔應該一齊養？
- 唔出泡，係咪代表環境唔太合適？看過舊文話太酸，會唔出泡。係咪真o架？
這兩天需從新整理個缸。唔想再犧牲可愛的水草 ，請賜教問題出在那裡？ 謝謝各位！

唔好成日只係講 24" 缸啦, 講多少少都得掛.
依家魚缸係冇標準o架, 長, 寬, 高都唔同呀, 都會影響夠唔夠光照呀.

依你草o既情況, 都係唔夠光呀. 唔夠光唔係比長o的時間就得, 10w 燈照10個鐘, 效果係唔等同 100w 的呀.

水草雖然有唔同種類, 需求都有些少唔同, 但係可以種埋係一齊o既.
唔出泡係好正常, 要配合好多野, 冇泡唔代表水草唔生長, 同種得唔好, 只係你真係打理得好o既抽獎勵黎.
而且新開缸, 好多野都未開始正式運作呀. 慢慢黎啦, 一開始種返o的易生水草, 等個缸開始成熟, 先慢慢加啦.

_________________
多多交流, 多多研究, 多多搜尋
我的水族相簿

嘻，sorry, 資料不全o添！
缸: Kotobuki R-600 24"(W)x12"(D)x14"(H)

- 其實點解唔夠光情況下，當我加長光照時生長速度會更厲害(真是十分明顯)？
- 咁如果將來養定後發現情況依舊而決定加強光照，咁係咪要加光管？加光管後，需否調節(減少)光照時間？
- 其實魚缸系統點才算已成熟？

謝謝！

咁其實佢地係唔夠光？定係太光？... 都係唔夠光.
定係根本係唔同類，唔應該一齊養？....I don't think so.
唔出泡，係咪代表環境唔太合適？....可以再改善.
看過舊文話太酸，會唔出泡。係咪真o架？ ....

明顯係唔夠光， 你想要既效果， 5 支燈我唸都夠掛。 好多人 24" 缸用 150W MH!

KY兄,

我個缸o既 size 同你o既差唔多, 我就淨水位14", 唔知你同唔同? 不過都係差一兩吋啫. 我都係用 T5HO 24W X 2, 都得喎, 冇你o既情況出現, 之前未換 T5HO (唔夠光) 就同你而家一樣嘞, 所以我亦同意 Macbrush o既意見(唔夠光), 因此小弟認為只剩番一個疑點, 就係你o個兩支 T5HO 係點樣嫁, 係咪要另加火牛o個隻o黎嫁, 會唔會唔小心買錯流o野?

KY ：
你個支多數只係 T5 管咋，以你既描述就係晤夠光，草草越生越快，越生越長係追光現象咋。

多謝各位意見。剛剛與水草搏鬥完(整理完啲草)。我採用你們的意見，睇定啲先。所以冇買草，但由於它們太長，影响光照，所以非執執佢不可。

可能真係唔夠光，但係唔夠光係乜意思？唔夠walt數？定光照時間太短？始終唔係好明。之前，按網上資料粗略計算過，按理兩支T5HO 24W 應該夠，但啲草又咁，唉！
(mareal:由於有燈架，淨水深與你的相若，大概13"-14")

另外，有關會唔會比人搵笨，買咗流野？多謝提醒，但我相信唔會，因為：
- 經資料搜集後才買，亦有check過。係Philips T5HO 24W 865(兩支)加 Philips Electric Ballast HF-P 224 TL5
- 我係响網上建議的深水埗科X度買，我相信可靠吧！？

呢兩日逛魚街，多口問下人，佢話唔應該用T5HO。唔啱養水草用，話比唔倒水草需要嘅光佢哋，而且會好熱(我唔覺熱喎)。佢建議我轉用水草專用的T8或PL光管。但深入資料(例如：水草需要乜嘢光、點專用法)佢講唔倒，只講了幾個牌子同埋一味話T8就得。我覺得T5同T8最大嘅分別好似係光管嘅直徑，如只顧找T8類光管而忽略其他重要因素，好似唔太恰當。之後我去搵過其中一個牌子(唔知係唔係佢用緊嘅光管)，色溫係6700，而我用緊嘅係6500。其實，養水草最適合的色溫應該係多少呢？需考慮的其他因素係乜？T5HO真係唔啱養水草？好高深嘅學問！！！

請提意見。謝謝大家願花時間看這長遍大論的內容！！
祝大家嘅水草同魚生長健康，令人賞心悅目！

照你咁講, 又應該冇買錯o野喎, 咁再剩番一個疑點, 就係燈架o既設計唔同, 因為我個燈架係名師(即係小弟 )度身設計嫁嘛(哈哈! 超級唔知醜! ), 你個燈係點嫁, 有冇相可以比大家 look look? 大家研究研究, 小弟幫唔倒手, 都仲有大把高手. heheee........ 繼續努力!!

這是我的魚缸燈。粗略量度過，燈與泥面距離約13"-14"。

本人有小小經驗（如有講錯，請指教），本人有一個18吋缸，開頭用兩枝T8極光，但紅色水草種得不好，後來請教朋友及看書，才知道植物需要不同的光波波長，加了一支藍色波長管後，紅色水草有所改善，所以不一定太光，但水草一定要色溫和所需波長配合，才會有好效果。

咁我用緊嘅係6500，咁嘅色溫OK嗎？幾多至啱？另外，波長又點睇呢？點至啱水草？

各位，請問你哋用緊邊種照明系統？方便講講settings同水草狀況參考參考嗎？

謝謝！！

其實係也不用太緊張....
很多水草都會種種O下變O左樣.... 轉水中葉... 肥料因素
夠光夠肥就紅點, 強壯點...........少光就青綠點, 追光伸長一點

不過我也覺得有點 不夠光 和光線唔均勻
現在看燈的放位, 四面近玻璃的地方, 都成了光線斜照死位,同時又種像寶塔易遮光的草
我想你的情況只要在缸面加多一只燈 , 均勻光線 看看效果

我的缸尺寸和你的都是差不多
我的燈是 36WPL兩支 + 14WT5 三支 共 114w
其實只種綠草 兩支36W已經足夠, 那3支T5是為紅草加的

八卦問吓,你有沒有check吓kh呀?

thanks.

狗仔, 好，我會考慮下加燈o既問題。你o個3支T5是為紅草加的，咁與2支36W o既分別在那裡？

bears, 冇check呀，重要嗎？唔懂。