水草情迷

請教各位,每次修剪草(連根柭起個隻)後個缸都濁晒,咁如果我懶些,剩番
o的根o係泥度,這可以嗎??

根會係泥處腐爛, 幼密既細根會阻之後插草.
泥會越黎越實呀.

WO!
原來係會令泥越黎越實ga...
哽就唔好留低了
又上了寶貴的一課了

Thank you!!

根部壞死...
放出ammonia...
小量是草肥...過多對魚有害/ 草會生藻...

我的經歷：

我種過一堆人地俾既草，好生得，由當初佔缸既1/4，無拔根地剪呀插呀，種種下佔成缸的3/5！成個大森林咁！密到連蝦都入唔到！都係因我懶唔捨得拔根怕變泥水。

近日因實在生得太多，魚都無位游，忍受唔到，終於的起心肝想拔起個森林，修剪過再插，但拔左2/3都唔夠就停，因為我細細力的拔根動作都彷如大翻缸！草的根有成8至10吋長，1條草都有幾條根，而且抓滿泥粒！！要掃走Ｄ泥粒才可拉出來，泥水濁到連魚都見唔到！唔知點算！

我即時好後悔架！但唔做都做左，而且而家唔拔，將來後悔莫及！頂硬上啦！拔完拿拿臨換1/3水，但都預左死魚死蝦。

結果水在１日１夜之後清返哂，而奇怪既係，一隻生物都無死！只係Ｄ莫絲鋪哂塵咁樣，要清理一下。

於是乎，幾日後我再拔埋另外個1/3（又成缸泥水），簡左D靚既再插，由完本有幾十條，而家得返幾條。

故事教訓我：D草一係隔最多一個月就要拔根一次，一係永世唔好郁佢。

_________________
老鬼一隻

leelee的case是有小小唔到, 因為你指的拔根其實不是真正的拔根, 各種草有唔同的特性, 你講的是有側牙的草, 由一枝草生出根, 根打橫生, 再生新的草, 就是這樣成缸都係, 你剪左頂, 但留下來的根還是有生命的, 因為他是連著老遠的根, 例如矮珍珠, 日本珍珠....但有D草根同根是沒有聯繫, 就等好沒有側牙的. 只會向高生, 例如太陽, 紅蝴蝶...這些草, 如果不拿走死了的根, 最後都會變成肥的一部份, 當然會開始有澡呀, PO, NO等都慢慢高, 底土的壽命都會短左O

呀，唔係唔係，我個Ｄ係一枝長高的，即你指「草根同根是沒有聯繫」那種，我初初剪草時只攔腰剪，剪出來的都插返入去，舊個Ｄ草根即使唔橫生，Ｄ根都越生越發達，一拔出來會一餅泥粒，都好大鑊架！

_________________
老鬼一隻

小弟o既情況就係, 每次剪草都好似反缸咁, 要抆晒出o黎, 大肆修葺一翻, 再重新插返晒, 想唔換景都唔得, 不過應該係我功夫差啫, 因為見好多網友都可以 Keep 倒幾耐下先話轉景, 我就唔掂 lu, 個個月都轉, 無奈....

LEELEE 我大約估到你o個種係咩草 ，係fs 街邊一大餅20蚊咁賣嘅"草皮"，係唔係生得好鬼快呢~? 佢lee 隻草唔係好理夠唔夠光都會猛向上生，d 根會生得好勁(會成為一大餅將成個缸底都霸曬)........

我就唔係咁建議種lee d 草..........

哎也，咪估啦，我搵返我話個隻草以前post過既相：


粗生到巴巴聲呀！

from this post:
http://www.aqugrass.com/phpBB2/viewtopic.php?t=27723

_________________
老鬼一隻

WOW! o個d 係氣泵d 泡定係佢出氧氣??

同我估o既有d 出入=..=""

不過真係學到野，我一直都以為d 植物枯左就有腐植質........其他草就會有多d 肥料，所以都唔係好理d 枯草/根....
原來係唔得嘅.........

hi all:
that's why i change the substrate from mud to sand, now i can change the view everyday without any problem.

係出泡呀，呢張算少啦！後來出泡出到成棵好似串蟹子咁！出到巴巴聲，也生到巴巴聲，所以我真係覺得呢堆草好似森林咁，放好多好多氧俾我個9隻蝦同廿幾條魚！都係唔捨得拔既原因之一。

_________________
老鬼一隻

謝謝咁多位的分享
其實我缸入面最痳煩的是太陽及絲葉..
o的葉約一個月便生到水面,焗住要修剪,
但一拔起,發覺o的根長到飛起,
仲要纏住成舊泥,缸水唔濁就奇!!
每次整理都要預起碼4、5個鐘
唉~~~~有$$真的想換個又深又大的缸呀
(現在24吋,目標48吋)