水草情迷

第一次與網友分享，今次真係唔知好事定壞事，不過都算係突破(自己自吹自雷，希望唔好笑死人)，事源近日reset個草缸(46升水缸，用ada泥，水草覆蓋2/3平面)，以前一直用一般人diy的co2技術，但一直都係好快流失，用擴散杯放在底，diy壓力問題又唔可以保持長放氣﹔所以我一向都係用擴散石放在出水位，而且在高位置，因為這樣水中壓力較細而易出氣，但好快又上到水面流失，真係晒氣。
今次諗到用半個膠瓶，插在水面，正正在擴散石上面，擴散石放在吹水位上，亦在水缸高位置，原理不是和以往一樣，靠氣泡在缸中時間長而提高溶解度，而是靠空氣和水的自然「氣體交換」(唔知係咪這個詞)，總之就係中五讀生物時知道空氣本身不停會溶入水中，co2一樣，所以插在水面的瓶便不停接收了diy的co2，不會浪費，co2在瓶中濃度提高，令co2溶入水中的效率亦變高，而溶入水的co2應該是完全溶入水的。
加上3枝18w pl管，但水草都唔出泡，原想買些易出泡的鹿角苔試試，但太貴無買到，不過30條日光燈未死前，每次熄左燈都會聚晒水面吸氣，明顯是缺氧現象，所以過兩日我熄燈都會開氣泵，但今日我遲左返，九點鐘燈自動熄後，我十一點返到，發現死了廿九條日光燈，點解咁清楚，因死剩一條日光燈和一條鬥魚(可以直接吸空氣所以免死)，拾屍時見條條都死到口大大，應該係缺氣的了。
而我個缸本身密度不算高，四十升水養三十條日光燈和一條鬥魚，應唔會因太多魚而缺氧，而且我見死因九成係缺氣的了，這證明了是那個diy的co2可有效提高水中co2含量。
這也許會令大家的魚死亡慘重，試唔試大家自己諗啦，總之試的話晚上一定要開氣泵！

有冇相睇?

無…

你可以晚上 cover the bottle by cap, high CO2 pressure will stop(slow down) the yeast function, remember use Coke bottle, the plastic material of Coke bottle, so called PET, can prevent gases leakage most effectively.
(Typing chinese very slow >"<)

唔，但我都係用返用開果個樽，500ml倒，用少少糖可以用十幾日，
算不錯。