水草情迷

hi
我想問下太陽草一買返來是否應該要即插根肥？還係等佢生好根生插好呢？我的玻葉買了兩三個星期就開始變黃，我的泥用了半年係唔係唔夠肥呢？

如一向多草...插先會無問題...
如少草...便可等太陽草適應了水質才算...
還有...根肥是很野藻的...不宜插太多...

現在我就係好多絲藻啊！玻葉又黃了啊！

生好根先插呀, 而插時亦不宜太近, 離開植物有返吋多兩吋, 再深入泥底最好, 毛細根先吸得最多肥, 太近會有肥傷, 令根莖腐爛.
波葉太陽一向難種, 適應到就生多成個森林, 唔係就零零落落, 一株死一株生, 同一個缸都可以有唔同情況.

_________________
多多交流, 多多研究, 多多搜尋
我的水族相簿

superctw:
為何有肥傷?
原理係?

hi 啊峰,

hmmm....不如你detail D 講0下你草缸的config.
你的草缸有沒有活性碳、除磷之類的東西?

我對你波葉的問題很感興趣, 看看大家了解完你的config後幫唔幫到你?

Winz

hi Winz
我個缸係24"*14"高*12"闊，燈係t5ho三枝！，co2一秒一個，肥用ada step 2 按三野﹐ada eca 一滴，kcl 1ml每日！
冇活性碳、除磷之類的東西！，水溫28-24度！晚上開冷氣！
ada泥和一種意大利基石用了半年！但係兩個weeks前係缸中(返)了泥，清洗！因為太多魚屎了！(返)了泥三日插草！牛毛，玻葉，紅雨傘，水溶，三角莫斯，新寬葉，大細葉鼓精，鹿角苔！
幾天後有絲藻！到今天玻葉就黃曬，但其它草就好好啊！

肥傷嘛, 係由草友處學習返黎.
原理係根肥濃度高, 直接塞係草根旁又吸收唔到, 又受唔晒, 就會"那" 修根莖部位, 令水草死亡的說.

_________________
多多交流, 多多研究, 多多搜尋
我的水族相簿

hi 啊峰,

你翻泥前能成功種出波葉嗎?
你有沒有下微元素之類的東西?

我草缸的config:
25" tank (14"h)
36W PL x 2
pH 6.2-6.4
gH 5
kH 4
ADA black soil
ECA 3 drops per day, TMG, Green Gain, seachem iron, nitrate, phosphate, KCL....
(其他detail我忘記了)

老實我種左波葉唔係好耐, so far, 波葉好健康...
我只係覺得佢0地好小氣, 要好有心機.

早前洗濾桶之後加了半包AA活性碳
不出三天, 原本好靚仔的波葉就開始白化. 那時我還後知後覺, 還加了除磷... 眼看一棵一棵的波葉慢慢白化, 而且擴散開去. eca(ADA /TBS)加幾多都冇用!! (那時不停剪去白化了的葉, 好心酸 T-T )

最初我以為波葉唔夠根肥la.... 加了些ADA iron bottom + ADA multi bottom.... 之後, 情況還未見好轉. 後來又想會唔會係生長太密, 唔夠光呢....之後take risk, 剪波葉 =P... 結果不單只白化....仲變黃tim ar....

看著變黃的波葉發呆....先記起兩星期前加了活性碳+除磷....死未!!! 大頭蝦!! 不過...我又唔信邪 (其實係懶), 試下係唔係真係活性碳/除磷出問題la wor... 事隔幾日, 白化不停, 要黃的黃...死未?! 之後有空一點, 才將活性碳+除磷取出. hehe...不出兩天白化停止了, 不是太黃的波葉過了幾天也開始重新出綠葉 ^^, 所以我估係"微元素" / "磷"作怪!

雖然我的波葉從新生長, 但由於我懶之故, PO4由0.5降至0(現在要再慢慢建立磷的level了), 波葉的頭已經沒有已往那麼大了, 所以我估計它是很吃macro elements才會生長漂亮.


依你上面的config, 我估係缺乏微元素... 因為ADA很懂賺錢, 肥料都要分幾支賺錢. ADA step 2 已經有磷, 但其他"微元素"、"荷爾蒙" ... 就要依賴green gain了...
而光照方面, 便要看看你把波葉放在那個位置了...小小遮擋最多令到波葉"標"高.

在台灣網得知波葉對水質敏感...水中氯氣會傷草云云...hehe...我唔敢take risk, 人又懶養水, 所以換水都加了除氯, 是否真的有用就不得而知了. 不過加唔加都好似差不多gum...=P (但你住的那區的自來水水質應該沒有問題, 個別case除外=P )

以上只是個人經驗, 是否屬實, 我也不敢武斷...還請其他波葉高手幫幫你吧!


ps.
- hehe...你一直沒有下根肥嗎?
個人認為...根肥比其他液肥更重要...液肥只是一種添劑, 始終水草吸收是很夠根部的.
- 如果根肥沒有外露, 我諗唔到點"野藻"lor (因為我用jobe's stick都冇事) ... 反而液肥就好易野藻囉!

新時放1/4 至半粒 Tetra 的 crypto 係附近會有好效果的。