水草情迷

在下想開個10~14"缸, 有多多問題, 想請各位賜教
1:缸係咪有分玻璃同纖維, 邊種好? 咩價錢?
2:濾水器用eden501(好似係咁叫) 好嗎?
3:泥用ada 紅泥or黑泥? 有咩分別呢? 咩價錢呢?
4:diy co2 樽蓋同樽 and 樽蓋同喉用咩物料防止溜氣?
5:加co2 又加 氣pump 有冇問題呢?
6:植物想種d 鹿角苔, 莫絲, 綠羽毛, 矮珍珠, 太陽草, 對新手難種嗎?
7:魚想養新燈x5, 粉藍尾的孔雀(有似有別的名字)x5, 飛狐x2(那裡可買
真的), 小精靈x2, 是否太多魚? 當然不是一次過買回來養, 慢慢加可以
嗎?
8:對新手來說, 又種草又養魚又唔知水質點又冇咩實戰經驗, 有咩要留要
呢?
新手上路, 咩都唔識, 屋企又冇咩位養大缸, 又想玩好d, 問題多多, 請各位高人指教, 先謝謝各位.

因你是新手,可能不知道....
你問的問題有9成可從舊文中找到答案,
做o下功課吧

HI 歡迎你, 這裡是有很多有用的資料, 看唔明也盡管問吧, 希望幫到你

1:缸係咪有分玻璃同纖維, 邊種好? 咩價錢?
當然是玻璃好, 纖維好易花同唔夠玻璃透明, $200有好多選擇
2:濾水器用eden501(好似係咁叫) 好嗎?
細缸又想用桶濾這是一個不錯選擇, 很多人用沒有大問題
3:泥用ada 紅泥or黑泥? 有咩分別呢? 咩價錢呢?
紅泥比黑泥 好像是酸一點... 細包的好像是$80
4:diy co2 樽蓋同樽 and 樽蓋同喉用咩物料防止溜氣?
用汽水樽,樽蓋同樽是冇溜氣問題的, 樽蓋同喉,底面都用玻璃膠, 可以的話買一個硬膠接位喉(就是平時把兩條氣喉接起來那種)
把它由樽蓋底插入孔插氣喉唔易漏氣(這是我小小心得)
5:加co2 又加 氣pump 有冇問題呢?
熄燈才加氣pump吧! 打氣會把你辛苦製造的co2散失晒
6:植物想種d 鹿角苔, 莫絲, 綠羽毛, 矮珍珠, 太陽草, 對新手難種嗎?
你有齊強光,co2, 和一把好用的草夾一點也唔難的.....
不過可以的話慢慢一樣樣種會好一點, 太陽草和綠羽毛是生得快又高的草種,同時種矮珍珠,鹿角苔會受唔到光的
7:魚想養新燈x5, 粉藍尾的孔雀(有似有別的名字)x5, 飛狐x2(那裡可買
真的), 小精靈x2, 是否太多魚? 當然不是一次過買回來養, 慢慢加可以
嗎?
開缸初期你只買飛狐和小精靈試下水... (魚街周圍都有售) 之後2個星期才慢慢加魚, 其實也不算多,... 只是孔雀你要留意, 在酸水裡牠會燒尾的
8:對新手來說, 又種草又養魚又唔知水質點又冇咩實戰經驗, 有咩要留要
呢?
你是未買缸的話, 你最好是先選擇燈具,
例如: 你太概想要10~14"的缸, 你就先去找有冇14"長的燈具
和考慮用兩3組燈的話,缸面夠唔夠放
因為先買魚缸後找燈, 是會很難找, 而改用細數的燈, 因此做唔到強光的要求
強光的標準 , 是1公升水用1W電 , 買燈時也以這做參考
這是魚缸計算機http://www.machome.org/skill/cal/tankcal.htm
有了強光和co2之後, 唔好心急,多點來潛水,o硏究下插草, 藻類,料, 水溫和品種的問題, 就自然養得好了

狗仔哥哥:
實在感激, 多謝多謝, 我會比心機學, 希望有好成績la
thanks a lot!

補充一點，第 3 題應該係黑泥比紅泥酸 d :-n06

_________________
http://www.leoaqua.com/phpBB2/

thank you alan wong 哥哥
重想問燈架買好or diy 好, diy 感覺唔安全, 會嗎?
但買又怕貴, 點好?

如果你對接燈有認識,當然DIY好 la,可隨時唔夠光再加支架,但唔識的話
就買現成好了.