水草情迷

各位老友
我養草已兩年,從來也沒有這個現象
開缸已三個月,落了兩劑乾菌
NO3,NO2 Check過都ok
但綠水在開燈後8時後變清些,
關燈後聽朝開燈又變回綠色
已裝11W UV,24小時,幫助不大,從未落過肥料,一星期餵魚一次
300L水,150W燈
小弟在想得一個原因..可能水草未密植
各位高手請指教

咁奇怪, 有UV燈, 未落過肥料,一星期餵魚一次, 真的無可能有綠水的.
可否 post 你的缸來看看 ?
魚缸高度 ?
燈照時間 ?
HQI K 數 ?
有否試過換水 ?
是否放在窗邊太陽可直接照到 ?
過濾 ? L/hr ?

我沒有相機
高度30吋
10小時一日
5200K喜萬年
三日換一次水,換完第二日又係咁!
不在窗邊,放係客廳,只有室內燈光
過濾我看過UV寫著Max480L/H
所以已經教到佢好慢!
想不通呢!!兩個濾桶各放sera玻璃纖維生物環1.5L
生物石各1.5L,生物綿加白綿,落左兩次Dupra乾菌,事隔三星期!
吾!!!!

真奇怪, 有UV燈都綠水...????

我的缸一樣綠水, 之後我放9 W UV 燈,效果一流...

易家魚缸水好清

你的問題好奇怪??????

Anyone could help him for this problem!!!

我相信不是綠水, 是否只是水不夠清吧 ?

如果真的是綠水問題, 咁你看看是否 UV 支管有問題, 又試下減到去 8 hr 燈照, 一次過換三份一至一半水.

如果是水不夠清問題, 咁你是否用 ADA 黑泥啊, 用黑泥, 水比較難清的. 我個缸 是 300L 水, 都用左兩個 1200L 瀘筒 (合共 2400L/hr). 你試下開到個濾筒最大, 用白棉扎住個入水口 (要包到密), 兩天後看看是否變得很黑.

你用一支 150W HQI, 還是兩支呢 ?

流水不腐

會唔會支UV燈管用了很久,已經無作用而要換新管?

我用UV燈1日就清番，而家都24小時長開，一直都無問題，我個24吋缸，重有部份時間俾太陽照到，150W HQI，每日照8小時，都無問題，你試吓Check吓你支UV燈有無着到呀，如果有着會係出水嘅水喉位隐约見到紫色光0架。

哈哈,我點會唔開支燈啊?
有開關制嘛!!!!Ka..Ka....-_-!!
我今日會出去買番支飛利普管!
我也懷疑是管的問題!
我以前換過來的...如真屬實,我會公佈依家呢支管牌子給大家知
咁你地就唔好買喇!

我之前開缸，都有個幾月水唔清，又黃又綠又濁咁！種晒最粗生的水草，制肥，減燈，兩個沉水濾水器加一個濾筒，都係用DUPLA乾菌，除磷劑，清水劑，活性碳……最後都係CHEAP CHEAP地買左個台灣UV燈搞掂。
係咪真係「流野」UV管作怪？等候你的消息噢！