水草情迷

本人想用黑鋼沙造底,
有咩草可以種?

缸:AA430 17"套缸
9KG 黑鋼沙造底
SS沉木 X1

目標魚:
(平價)孔雀X6 紅劍X4 萍果縲X4 鮑魚縲X2(本星期六去買)
(首次落魚)

水草:
有咩好介紹?(本星期六,日去買)
(只要生命力強)
預算花費$200-400 (魚,縲,草)

thx!
新手 DG5362

種陰性草草
鐵皇冠, 水榕, 莫斯一種係沉木, 石上既草草
詳細d既就自己潛水搵搵啦~

我都係用砂,不過有貝殼成份個d雜砂....冇基肥底
PH6.5-7.0

種水芹..青河根,角河根,長葉九冠,世紀蘭,鐵皇冠,莫絲,鹿角苔,小水蘭
呢d全部都種到..其中鐵皇冠,世紀蘭無用泥個陣種得咁靚...小水蘭轉左砂之後明顯種得最靚...

大部份椒草

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

我都係用砂種架~ (不過也是果d好平既雜砂 )
大家交流下
我有落基肥~ (不定期也有追加根肥和液肥)
pH, KH 唔知~
水溫 22-26oC (這個冬天)
DIY CO2 (用個幾兩個禮拜)
18W PL 燈 X 1

我種左: (按照推薦程度排位 )

1. 小水榕(狀態良好,不斷有新葉長出 )
2. 莫絲(還記得最初只有數條~ 現在已不能計算 )
3. 小水蘭(勁生子株...生到沒位再生... )
4. 珍珠草(都生長得很不錯,由1變10+ )
5. 小香菇(又係勁生子株...不過不知為何由小香菇變了大香菇 )
6. 綠菊(定係叫小寶塔 經常要修剪... )
7. 鐵皇冠(生得麻麻, 未找到原因 )
8. 鹿角鐵皇冠(可能我不正是修剪...它好像沒有發育過... )
9. 牛毛顫(只有一束,沒長大又死不去... )
10. 矮珍珠(生得最差,可能光都被其他草擋了 )

古古鴨，你d草的情況同我果d又有d唔同，不如你又教下我丫？我都有種小水蘭，但係缸裡面生得最差的一棵，成個月，好似冇郁過咁！水x店話會生高，點知一d都冇！你有乜心得呢？
至於你話生得唔理想的草都係前景草，會唔會係俾你生得好好的珍珠同綠菊擋晒d光，所以變成「塑膠花」？我都有種牛毛顫，一邊無其他草擋佢的光，生得非常茂盛，另一邊有一棵紫虎睡蓮同一棵青荷根遮住佢，佢雖然都綠，但相對上就生得慢好多。

唔好講到"教"咁客氣喇~
其實我都仲算新手~ 大家研究/分享一下

我生得唔理想果D矮珍珠應該係比綠菊同小水蘭擋晒d光...

其實小水蘭我原本是用來做中景...不過由於魚缸細小...佢地已經生遍整個光照較強的前景...擋了矮珍珠的光

比較健康既矮珍珠就會變左"高珍珠" , 吸收能力比人弱既就變左"細葉珍珠" , 還有一些跟本好像生存不了就淡了色甚至枯左(不知是不是你所說的「塑膠花」情況？)

雖然綠菊可以定期修剪來解決問題~
但D小水蘭我又唔知點剪好~見佢又生得幾好~
加上剛有BB魚出生...唔想剪D草住
唯有犠牲D矮珍珠 等遲D有機會轉大SIZE缸或轉景先算~

至於你種得唔太好既小水蘭, 如果不是有枯或變黃...
我想或者可以再觀察下先~
因為我都冇特別照顧佢地, 佢地自己生既
(我都好似種左一個月佢地先開始周圍生)
可能佢地要生定左D根先

不過你話水X店店員說小水蘭會生高
但我果D係好似"噴水池"咁樣一束束~
都不會長太高~
唔知會唔會唔同品種~??

你都係用砂種嗎? 有冇落基肥啊~?
(我覺得有落既話D草明顯種得好好多的 )

好多謝你既資料,對我都好有用,因為本人唔識去翻查每種草既特性,但係都係小水蘭生得最好,我既鐵皇冠買返黎個陣d根已經溶溶爛爛,因為個晚好黑又趕時間無留意,而家已經死左喇(我見到佢2星期都無生根就掉左,未枯),我之前用ADA泥,不過忍受唔 到每次剪草都好大塵,令d魚同蝦受罪,用左大半年左右就狠心轉左砂底 ,不過個陣我仲未種鐵皇冠,下次我買棵健康d試下,再研究下會唔會係因為鐵皇冠係唔適合砂底種~

另外,水兄我對你既情況有少少個人意見,本人覺得砂底插草,由其是小水蘭個種(好似係叫球莖類),好易傷到根,我會用海棉包一包根部再種...3棵有包,1棵冇包,色水差不多但有包海棉既3棵明顯咁比較大棵
如果肯定無傷到根,聽聞小水蘭要強光...你燈光足夠嗎?

THANKX TO古古鴨& REI！我估我真係種D小水蘭既時候唔夠溫柔勒！可能傷左佢地D根！我睇一睇，可唔可以救下佢地先！小水蘭我係種在泥缸都，ADA黑泥，種的時候冇包海棉，因為之前種珍珠金錢試過，結果死晒，所以冇再試呢個辦法。光方面……我28L水，30W T5燈，而且我個缸只有十吋高，所以我估都夠掛？？？？
我另一個缸就用砂既，大部份草都係扎在木上面既陰性草，只得牛毛顫係種入底砂，但係生唔到，掉晒了！

個人認為你既燈光已經很足夠照到底部了^___^
唯一可能係未定水(小水蘭)或者真係傷到根喇...
照計我同鴨都種到..砂應該無問題的