水草情迷

落左四份一支益力多......
打了一晚氣....水變得奶白.........
魚兒全浮到水面.........
點好??

你個缸幾大呀，落咁多，快Ｄ換水啦．其實益力多的理論咁新，未作詳細分析，我就唔會試啦．

你個缸幾多公升水呀，我個缸成60公升都係4份1枝咋，係要成日先清番o架。
若是用掛濾，因濾水面積唔夠，重要落小啲呀，因益力多都係菌類，會係水中吸攻收氧o架，濾水一定要夠力。

半米乘四份三份之一米.....
下.....要換水?

我落個時等咗24小時先至清番，之後重好清潻，我就無換水啦，不過我只係暫停 CO2 ，淨係靠桶過濾嚟濾水，你個缸幾多公升我唔識計呀，你查吓啲舊文，有教你點計。

D魚死晒 .....
我換左三次水先清返........
蝦蟹都死埋......得返d草同螺d

你係咪開新缸呀，如果係開新缸，死魚係好正常，新缸要先用雜魚山坑魚嚟飬水，至小要2個禮拜等水定咗先至落魚種草o架。

唔係呀......養左大半年...............早前換左ADA泥.....
睇到d post話落益力多ok...咁咪落囉......點知.............
又要買魚仔.......有冇好介紹????

你最好先買啲平價燈，係魚街20元100条，養一輪等佢地唔再死魚，先買啲靚魚，安全啲。

d水又變左做奶白色....點好????係咪要殺死d菌佢呀???

唔好心急,等o下先啦,一時間變咁多野,實頂唔順啦!
乜都唔好攪,等到禮拜至落魚舖買dd魚仔試o下,過兩日至再入貨啦.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

我都有試過落益力多.....但1米缸都係只落小於一匙..你係唔係太勇....落得太多....養魚仔唔可以太心急.....佢地環境唔可以改變得太快....

今日一起身......奶海..........我發現一唔開燈就會變奶海.........我想落crystal clear......可以嗎????

我呀媽話新年前要整好佢......唔係就成缸丟左佢.....佢話唔吉利喎.......點好?????小弟極度心急.....各高手估計新年前可以正常運作嘛?????

你又煩呀, 學我哪~~
首先養d水, 將d魚放落養好既水到養住先....要打氣呀....
跟住大缸換水2/3, 洗桶, 換綿, 加新水劑,消化細菌, 再開桶開燈行佢一日, 再換多1/2水, 再開桶開燈行佢一日, 最後放魚.跟以上方法做應可在年廿八攪掂....得左....
千其唔好比呀媽大到呀, 努力咪放棄...
sorry打完再睇番先記得你d魚死左, 咁你換完水年廿八去買住幾條平野頂住先喇....