水草情迷

有日睇電視廣告，益力多話有幾百億，咁心諗個幾百億嘅活乳酸菌可唔可以當硝化菌用呢？係呢個念頭下，終於係星期六下决心做一次實驗，我本身有二個細膠缸，以前飬龜用，分別在缸內入满水，每個缸都打氣用水妖精作濾水，再於星期日，每個缸都放入一包山坑魚嚟飬，重落重飼料，等啲魚食得多啊得多，晚上二缸水都好混濁，星期一早上將其中一缸水落咗4分一樽益力多，另一缸就乜都無落，但落咗益力多個一缸就成缸水都白曬，好似成缸灰水咁，非常恐佈，啲魚重好驚咁週圍標，於是無理佢，個日係晚上再察看，見落咗益力多個缸水已回覆正常，同乜都無落個缸差唔多，一樣咁混濁，無乜分別，心諗都係失敗居多，都無理佢，係星期二早上起身視察，嘩、嘩、曄，奇事嚟啦，落咗益力多個缸，居然清咗好多，而乜都無落嗰缸仍然係濁，於是再等多一天，星期三，即今日早上情况一樣，但於今晚九點，落益力多個缸水已經好清，啲魚重狀態良好，可以話係起到硝化作用，而乜都無落個缸水都清咗，但仍有好多微粒，啲魚重起白點，(活乳酸箘真的可以替代硝化箘嗎？)

嘩，咁都比你諗到，厲害！
但係益力多有糖喎，唔怕咩？
等你多幾日後的報告

咁都比你試到...
跟 DIY co2 後...你最正 la...

以後魚街D人又可以賣少一樣野..
or...佢地買地益力多 law....haha

堅！我成日同我朋友講笑咁講，落硝化細菌時就話俾個魚缸飲「益力多」，今次黎真既！

我地強建部隊! (益力多部隊!)
工作勤力快趣! (左右左右左!)
想你強建開心快樂, 我地齊齊幫你工作! (益力多部隊!)
人人愛飲益力多, 時時都笑呵呵!

我諗人飲益力多有益腸胃，魚飲都無事掛，咪試下囉，點知真係得，重可以增加水嘅酸度，不過落咗益力多會成缸白哂，好難睇，魚就無事，草就唔知得唔得，我而家剛落咗係我草缸度，都試吓啲草受唔受得，試水PH6.5，我會再試將益力多發酵，等發酵後再過濾出透明液體試下得唔得，過幾天再向各位報告實驗結果。
養魚種草嘅樂趣，就係睇自已DIY嘅成果。

會吾會變左益力多生啤??

幾好玩的實驗呀 , 不過益力多貴了些少, 唔知 "美樂多" 得唔得呢.

_________________
多多交流, 多多研究, 多多搜尋
我的水族相簿

SuperCTW 兄：
其實嗰日我啱啱飲緊益力多呀，不過我相信奶類制品都可以，因奶類最易養菌，遲啲我重想用飲剩的鮮奶嚟飬箘，試吓得唔得。
而家個一益力多水好清呀，真係估唔到有咁嘅效果，重未有魚瓜柴，無落嗰一缸已瓜咗3条魚嘞，都好陰功，囉啲山坑魚仔条命嚟做實驗。
mftin

想問你落左益力多個草缸宜家點...????

恭喜！恭喜！簡直是近年魚、草界最大發現！！現在'益力水'的ph是多少？清的'益力水'可否代表硝化系統已經成立？如果是，可將'益力水'注入水缸繼續其硝化過程，這樣便不需要直接把益力多注入缸中。

總之:恭喜！！恭喜！！

mftin
等我班過中新乘就掌過你.....
繼續努力, 造福魚友.

我有個疑問，到底Ｄ益力多係唔係祗是加咗Ｄ養份比Ｄ硝化箘生長呀定Ｄ益力多箘的潔力呢？？如果益力多箘的潔力咁勁，咁應該清水加益力多再打氣，到最後就會有一缸清水了．以上祗是我的推論．

我開缸試時係全部新水，都要2日先清，至於係益力多菌威力或硝化菌得到營飬就唔知喇，

如成功ga話就真係太好low....(^_^)