水草情迷

請問...............怎樣才可清除黑毛藻???

睇咁多文, 試好多方法, 答案係冇一定得必勝快速方法.
要複合咁用幾種手法去處理, 過程亦都很漫長. 而且每個人o既設備, 魚量, 種植方法都唔同添.
黎個總括, 就係生係草o既黑毛藻盡量見幾多, 剪幾多
死物就拎出黎用漂白水噴, 再擦, 一定冇晒, 熱水過清.
飛狐sae 肯食就好, 唔食都冇計, 唔駛問點解, 魚性如此. 有好過冇.
勤換水, 3 日 1/3 ~ 1/4 水.
加 Amon Lock2, 時得時唔得.
唔好加新魚, 餵食減少, 5 日 ~ 7 日先一次都唔怕, 魚餓時會幫你食草同食藻.
黑毛對光照唔敏感, 減光唔係太大作用. 減光後令水草衰弱會更易惹藻.
種植快速生長水草如金魚草, 羅漢茜, 水蘿蘭, 同藻類競爭養份.
肥一定要減或者唔落.
最重要係耐性, 隨時打返個幾兩個月仗都唔奇, 冇耐性就一次過翻缸吧啦.
唔怕生物死亡, 可以試黑毛藻殺手, 不過亦唔係一定得.
每年都打一次, 尤其轉季, 心得所在, 信者唔一定得救, 因為我個缸唔同你個缸, 我o既草亦唔同你o既草, 睇下近來貼o既缸, 就係打完兩個月仗先攪掂o既成果.
善用搜尋, 找到的應還有不少, 試下吧.

_________________
多多交流, 多多研究, 多多搜尋
我的水族相簿

thank you~~!~
多謝保貴既意見