水草情迷

有一天睡醒就有E 個 idea

首先用生物環做個形....跟住用

好似幾ok0甘wor..但係會唔會唔夠氧比0的細菌去生呀?

哈！我都有個類似的「傻傻地」諗法嫁！
我之前買過一盒日本的「生物石」，紅紅地色既，佢裡頭有一粒粒好似麵包糠咁的正方體，又有一d好似砂咁既野。我就諗，既然佢咁似砂，用黎舖缸底都唔差得好遠遮！於是我在我個陰性草缸度做左呢個試驗，買左一包同「好似砂咁既野」差唔多大細的砂，先舖砂三份二左右，然後成盒「生物石」倒晒上面，結果個樣都唔錯。種落砂的水草有簣藻同牛毛占，d草都好綠，根又出得好快，酸鹼度都保持到6.4左右。相比以前用泥，分別係孔雀魚爛尾的問題改善左。
大家比d意見小弟丫！

將生物環放係泥面就得，若將生物環放落泥底下，就唔夠氧俾啲硝化菌做硝化過程，就無咗硝化作用，除非你用缸底過濾，用隔屎板，但係用缸底過濾就唔適合種草，因為會連沙床底啲水草營養一齊抽走，咁啲水草根部就吸收唔到啲營養，水草會枯黃同枯死，但係將生物環放係面就唔好睇，我個24吋缸就用啲好平嘅種花用嘅溏泥做底，上面再鋪黒色矽沙，只用一個300L嘅缸掛濾，開缸一個星期，一晚開燈10小時，啲草已經生到好好，重好多氣泡出，我用大陸嘅Rainbow水草液肥，才25元一支，(係深圳買，)塘泥就3元多，根本唔使用什麼名牌子，無用什麼底肥或基肥，塘泥就係最好嘅基肥，其實好多名牌子嘅泥都係基本上用啲泥加工到好好睇，先至會咁貴。

哦.....又一次證明...我重係低手.....

溏泥
利害!!!

想問溏泥係邊度可以買到?

小弟已使用這方法半年了
冇乜問題出現
草同魚也很好

塘泥係惠康超市可揾到，3元多一包，24吋缸用2包就得，要記住先落泥後落砂，灌水時小心，先放一个碟在面，才放水落碟面，唔好沖散的泥上面就得。

但想請教下剪草時如果唔係平泥剪的話,將條草連根拔起,先前再插的話,
會唔會將到沙同泥攪到一堆呢?
同埋想問下你種d咩草呢? 如種太陽草之類會唔會有問題?

如果種太陽草都得的話,咁就可以慳返好多買泥錢lu

基本上剪草時最好係平剪，如果將草拔起會將小量泥帶上面，况且唔拔起啲草，佢啲根會再長側芽重新生長，如果啲草根腐壞的話，天然泥會將佢分解，魚屎落咗泥面後亦會沉落底，泥會將佢地分解後變成天然嘅有機肥料，俾啲水草吸收。
我個缸種咗、太陽、珍珠、短珍珠、水榕、水籮籣、羅漢茜、重有鹿角苔。養咗七八拾条燈魚、三四拾条斑馬，四条埃及仙，拾条白老鼠，個缸好熱鬧。
設備：DIY Co2，300L掛濾，18W PL燈管2支。
基本上水草都係天然嘅植物，植物大部份所須嘅生長環境都係泥土，所以加咗塘泥後係可以種大部份雖要泥土嘅水草。
至於有咗泥俾水草落腳，啲草生得好唔好，就要靠控制水質、温度、光線等先係比較重要。
好多朋友都好留意啲草有無氣泡出，但係各位知唔知啲草嘅根都會出氣呢，水草係葉面吸收進行光合作用，葉面會出氣，但同時亦會係根部進行呼吸，所以係泥下面，啲泥進行分解魚屎時，分解過程時亦會釋出小量Co2俾啲草根部呼吸，草根亦會釋於氧俾泥土進行分解，互相產生作用，我個缸就常見到有氣泡從泥土冒出喇。

終於搵到知音....我以前都上來問過可唔可以用塘泥做基肥...但無咩人回應....古唔到真係有人用...但我想知d塘泥係唔係人地種花哥種....同買返來之後要唔要自己加工..(如消毒)...等工作

塘泥唔使加工，亦唔使消毒，只不過大舊嘅將佢打碎就得，就係種花個一種，基本上係天然魚塘度攞上嚟，夠曬肥，就係效果好先囉嚟種花。
將塘泥鋪好後加咗砂上面，放好水，安裝好濾水，放啲什魚落去養幾日水，死咗嘅魚仔放落過濾器度養硝化箘就得，使乜呢度去，個度去買消化箘咁浪費。

明白......咁再問.你是否一樣是用沙...同ph大約是幾多....

我一樣係用砂加上面，有2舊細沉木，無加過任何物料處理水質，純天然環境，只係每星期換水3份1，同加係大陸買9元人仔125ml 叫(生命力)嘅水草液肥，PH值一直都保持係7咁上下，草同魚仔都生得好好。