水草情迷

請問如何令珍珠草噴泡?

珍珠草同其他水草所噴出嘅泡係氧氣。
健康嘅植物包括水草會利用陽光，吸入二氧化碳，進行光合作用，並呼出氧氣。
氧氣本身會溶於水，但當水中溶氧量夠多的話，氧氣就變成一粒粒氣泡附著於水草，到氣泡夠大就浮上水面。
而好多棵健康嘅水草一齊呼出氧氣，咁缸水中的溶氧量自然夠多。

所以要有夠多而又健康嘅水草種响你個草缸中，就會噴泡。

要水草健康就要畀個適合佢地生長嘅環境畀佢：
適合嘅酸鹼度 （PH 值)，足夠嘅二氧化碳，足夠而適合色溫嘅光度，足夠而不太多嘅肥料。

如果用水草泥，酸鹼度一般唔駛點理，大部分水草都生長到。
二氧化碳多啲唔緊要，留意住啲魚無反肚就得。一般每秒三四粒泡，由每秒鐘一粒泡開始一直加上去。同埋一定用濾筒，唔可以用缸頂過濾，以免二氧化碳流失。
光用6700K色溫，每升水大約預1.5W。

肥料祗驚多，唔驚少。因為會好易攪到成缸藻，會影响外觀兼嚴重影响水草嘅健康。
氮肥同磷肥主要來自魚類，基本唔駛另外添加，就算加都建議用基肥或根肥嘅形式加。而魚嘅數量亦唔好太多，參考一下魚街示範缸體積同魚嘅比例就得。
其他微量元素，鉀肥等，個樽有使用說明，用佢建議用量嘅一半就得，跟住用一兩個月時間睇住水草嘅健康情況，同埋有無生藻，再逐少加啲，加到佢嘅健議用量。

換水就一個星期換三分一。

以上祗係一個大概，一路種會一路遇到不同嘅問題，要水草健康要花好多心機，睇唔同嘅post，再睇下自己個缸嘅情況，自己決定跟邊個嘅健議。

以上硬件都有, 不明白 d 草為何仍未噴泡?

請問點先可以增加水中的溶氧量?

我的 co2 是用糖及酵母製造出來的, 請問是否唔夠呀?

如果 d 水草唔噴泡, 是否生長會出現問題?

你先講下你有乜硬件先，淨係話有晒無用，唔知啱唔啱。

你啲二氧化碳點樣導入個缸度？
有無細化器？
每秒幾多個泡？呢條其實之前講左。

你個缸幾大？用乜野燈？用幾多火燈？用乜野濾筒？用乜野泥？種左幾多棵草？係乜野草？

同埋請你由頭睇起，有啲問題，根本响我第一篇貼文己經有講，例如溶氧量。

請問在瀘水器中放入活性炭及靜水炭是否會影響珍珠草進行光合作用(噴泡)?

你都係講講你缸同日常燈照,CO2運用既設定先啦

魚缸水流太大都會見唔到噴泡

會，不過絕對唔係你啲草唔噴泡的原因。