水草情迷

我幫朋友仔問架...佢個缸有綠松尾,簣藻,普通太陽,絲葉太陽,新寬葉太陽,虎紋太陽,矮珍珠,ADA黑泥面+不知名德國啡泥做底,20L水左右,每日開燈六小時(11WPL燈X2)用掛濾...水草已經算幾密,曾落過AMMO LOCK2,又落過O的殺黑毛藻o既藥...但係o的黑毛藻都仲係咁生過不停...仲有絲藻...冇落肥好耐...o的野食都冇點餵....水就幾日換一次....究竟缸魚出現咩問題???(o的魚唔算多,得十幾條).....又,究竟點樣先可以搞得掂o的藻???(已經有sae...但o的魚餓到扁哂都唔食o的藻...).....

黑毛藻易發難收, 用藥很難準確消滅, 只有一見就剪, 如果已經惹開晒, 可能只有翻缸一途, 將有藻的硬件拿出, 有藻的水草剪掉.. 長時間抗戰黎呀..

_________________
多多交流, 多多研究, 多多搜尋
我的水族相簿

咁有冇其他方法？
因為我唔想令開棵草呀～
冇位放置呀～

講明先，不是我寫，是我師父寫的，希望能幫到你呢！

另類的滅藻方法

在小弟的耕草生涯裏,從不少書籍中看到很多種草理論,再加上自己不斷從失敗中吸取教訓,悟出一些非常【主觀性】的理論,與廣泛流轉下來的傳統有些不同甚至完全相反,其中包括滅藻、過濾、燈照等等一堆問題,實在很想同大家分享一下。由於小弟乃電腦白痴,一次過實在無法寫得太多,唯有分段進行,(順便呃下 Post,嘻嘻! )。說明是【主觀性】,當然大家未必認同,請多多發表意見!在末開始時,首先嚴正聲明小弟絕非甚麼前輩、師父、高手等等,
言歸正轉,小弟在去年曾在某網發表過一篇貼文,提過一種由德國一班水族學家發明的滅藻方法--正午黑暗期滅藻理論!當時很多網友並不認同,而小弟亦末曾親身印證,所以不敢反駁。但在接著的年多時間的多次試驗發現出奇的有效,而且亦不需額外花費任何金錢,大家不妨一試!方法如下(請謹記遵守所有細節,適用於所有藻類)

1.盡量清除已受感染的葉片,換掉一半的水並吸走泥面污物。其後每七天換水1/4。

2.暫時不要清洗濾水器。
3.停止一切施肥,並最少禁餵飼料七天(就算要餵都不可用活餌)
4.改變燈照時間為分段式!先在早上照射四小時(如8am-12pm),然後連續四至五小時的黑暗期,期間衹有室內燈光或窗外的日光透進室內。跟著便是連續五至六小時的照射(如5pm-10pm),期間二氧化碳必需與燈照時間同步。
5.放養更多食苔魚。
6.加種一些生長快速的水草。
7.不可使用含藍色射線比例高的燈照,色溫在7000k以上避免使用!
衹要跟著以上方法進行,在7-10天內藻類會受到控制,2-3星期便會絕跡,非常有效!

解說:據專家研究所得,屬原始生物的藻類並不喜歡這樣的【午睡】時間並很難適應這種光照方式!相反水草和魚兒會迅速適應新的環境!在此消彼長的情況下藻類漸漸變得弱勢並最終失去競爭能力而消失,甚至永遠告別你的水族箱呢!

其實用飛胡得唔得～
重有小精靈都得唔得架～
咁清道夫又得唔得～

唉............呢3種魚我都有, 不過好似人甘, 唔係個個都甘勤力, 反而買少少虎紋蝦返黎, 佢地隻隻都好努力食青苔, 可惜佢地係唔食黑毛藻既

而家都唔知點搞掂d黑毛藻好

好有趣, 有冇人試過 !

尋日經開魚街本來想買多包蝦返黎開工, 不過諗諗下都係等涼定d先, 唔係又製造蝦米ga la

多謝分享

個人睇法，水草和藻是此消彼長的關係，所以我反而想知你d水草的生長情況。
你光照時間得六個鐘，比一般八個至十個鐘少﹔你又無落肥，魚糧又好少，即係水草需要的氮﹑磷﹑鉀都好少﹔另外亦無見你提co2，如果答案係無，咁即係話水草的生存條件好惡劣，咁藻類一定橫行。

有co2呀...用左出面160蚊一set果o的co2呀..o的草都生得幾勁架...由其係o的綠松尾,由缸頭生到尾.....其他水草都冇問題,生得都算ok架....冇落肥係因為用黑泥都唔駛點落啦...o的草都生得ok架...水清泥靚...但係就係周圍都有藻lor...老實講...我朋友缸水仲清過我果缸...但我反而冇藻...我仲日日落肥(當然,係小量...但我tmg早排都係日日落架...,後來o的草生得實在太快先唔落)....所以先奇怪黎問下大家..

有好多水草書都以經講過"午睡"係有效防治藻類的生長, 但係你個朋友的缸只有20l, 要解決其實不是很難, 可以增加換水的次數到每兩日一次, 每次1/3 - 1/2 o 好快有改善架啦

我想最有效是先把草缸內的黑藻盡除,再開uv殺菌燈來防禦再生.

有咁多剪咁多...

殺菌燈防止唔到黑毛藻再生
只對綠水有效呀