水草情迷

我同時買下共三枝紅蝴蝶,其中一技高得很快(成十吋),其如兩枝仍矮矮的,較底的葉開始枯萎.
請問如何修剪及打理?

從上面數落約5-6吋就咁剪，剪了之後新株再插，但係舊株亦唔好掉，因為佢自己會再從側面生新芽出來，這樣可以多一支啦。

謝謝你回覆
我想問在較底部的葉,要否剪掉,還是等它自然脫落

尤它自己脫落，就算d葉唔靚都無所謂，反正佢會再在側邊長些新葉，我家原來只有3株紅蝴蝶，現在已有六株。

真的?
我其中一株,好像已經死了,而另一珠都好似又快.......
要落啲乜肥,它們才可以生長得好啲?

你有無落鐵液肥同鐵根肥呢？如果無，可能紅蝴蝶就會變成綠蝴蝶。

相反，你試下將那些好似就死的抽出來看，看看它們有沒有生根，如果無同呈現霉狀，就立即將之剪斷，將其餘的從新插在最受光的地方，睇下佢會唔會再生番囉。

鐵液肥方面，可試下Seachem有隻叫Florish Iron，$45一支250ml，幾好用，我100L水每日落3-4ml，效果唔錯。鐵根肥我就用魚博士的片裝鐵根肥，一句講晒，大件夾抵食，卡x賣$25/10片，$80/60片，我當然買大盒裝啦，如果你怕買了回去用唔晒，可以放番上來個網買，基本上都會有人要的，自己留返2-3排就可以用幾個月，仲有，唔使連綠色草都插這肥，只須要在紅色草附近插就得啦。

我自己經驗是好多時在插草入泥時拿水草鉗太大力把草莖弄傷了,所以在泥下草的部份慢慢向上腐爛.

原來如此，我下次夾水草要輕手啲
謝謝alexkhh的意見，我今日就去買肥，我死了兩珠，還有一珠愈生愈旺成尺幾長，我今天回家就將它插枝再種，希望一開二，二開四，四變八．．．．．．．．仲可以送俾別人，太厲害！