水草情迷

我有一個死黨畏去外國讀書，將她的心血魚缸交託俾我，原本好開心，而家就多了頭痛！個缸原本有孔雀、日光燈、月魚同小精靈，而水草就有一大叢水芹，真係幾靚嫁！不過我們在搬運途中出了事，將水草泥 (我朋友說是一隻日本牌字的水草泥 )搞到亂晒，我們又慳，無換到舊泥，只係在上面舖番一層新泥，之後就種番舊草 (我們用一比十九的漂白水洗過一次木芹上面的咖藻 )，又加新草 (有一塊鹿角苔，同一叢金錢珍珠 )，不過問題陸續出現。
隔了幾日，孔雀開始爛尾，而家死晒！佢地死之前生了BB，而家死剩三條。月魚又死了一隻！至於日光燈又死了一條，另一條個身白晒，看來捱唔到幾耐！唯一值得鼓舞的，是月魚出現過白點，經過一星期搶救，好番！
另一個問題是水藻。雖然用過漂白水，但咖藻仍然出現，缸玻璃有藍綠色、一點點的水藻！除藻劑我用緊Amtra的Allgae Master，幾日前出現了黑毛藻，我用牙刷刷，之後又有番！究竟我個缸係乜野問題呢？我應該點入手噢？？？
我個缸的基本資料︰12吋丁方魚缸、Cyber Aqua 12吋11W全白燈、水草泥、Cyber Aqya袖珍過慮器 ( 因為用藥抽走了活性碳，加了Green-X的除磷劑 )、Suisaku的CO2添加裝置 ( 只有一個透明膠筒，每日唧一唧 )、沒有冷卻裝置 ( 水溫大約28-30，望天打卦咁啦 )，仲有……諗唔到添！
各位，唔該！

所有水族用品都唔可以用chemical 清洗ga

同我一樣. 試吓用Ammo Lock 2, 定期換水和清潔缸底垃圾

HI 你好 問題可以好複雜 又可以好簡單，搬運後相信過慮器及魚缸中的硝化細菌已全死了，要從新養水了。
孔雀開始爛尾，是水質急變的原因。
[月魚出現過白點，經過一星期搶救，好番！]想你們會下药了 一般白點药對水草不太好，雖是舊草，但給你們攪完一大輪已是新缸新水已沒有舊或新之分了。
你們說[之後就種番舊草 (我們用一比十九的漂白水洗過一次木芹上面的咖藻 )]這木芹是水芹嗎？如是水芹葉片上的啡藻，代水草生定後[約插下泥中2~3星期後]把老葉剪去已可以。
[(我朋友說是一隻日本牌字的水草泥 )，我們又慳，無換到舊泥，只係在上面舖番一層新泥]舊泥是甚麼牌子呢，用多久呢，新泥又是甚麼牌子呢 很多問答了嗎？ 很繁了 好！簡單點 你朋友養得好，你們也行的。

就當新設缸來做就易攪得多了：用返朋友之前的設備連過慮器中的慮材，落泥，做景插草加魚[死魚就由他吧 ]開燈，完成
冇咁快 敝！有藻！冇有怕，去魚街169買珍珠蝦回來$20/6隻夠曬啦[有多送比魚友啦]記得把袋蝦對水温呀[鹿角苔要屈就下 ] 新缸燈照就要第一天由上午11時至1時，兩叁天後加多壹兩小時，再两叁天再加壹兩小時，至燈照由上午10時至晚上7時，此時段是水草光合作用的[記得唧一唧CO2啦]，之後，自己觀賞嘛就開燈欣賞囉。黑毛藻易攪啦[安慰下先]，正如CKTsang 講Ammo Lock 2好好用[到卡奇買]，每星期下不超過5ML。缸面有藍綠色、一點點的水藻，用舊信用卡剷剷佢，OK。新缸養水最好不煥水，只加蒸發了的水，個多月後先每两星期煥5/1水，同不要洗濾水器，又吾好成日伸隻手去攪攪佢呀 試試可否幫到你，最好到搜尋找找資料，好多靚料。