水草情迷

其實我想知種水草用乜過濾既好, 有乜牌子好, 外掛既同濾筒其實係咪同一樣野黎架 ? 如果唔係, 咁兩者既分別又係乜呢 ?

我都 search 過d post, 但都想問清楚, 因為想去買呀.

用濾筒啦，唔駛諗:j
外掛會令co2流失快d，如果你用co2
你個缸12寸，都可以用缸內過濾，不過會晒位

濾筒會唔會好大舊, 同幾多錢左右呀 ?
我有用 diy 既 co2 架, 仲駛唔駛打氣架 ?

當然好大舊啦，水流仲勁tim，都係用缸內濾水啦。
濾筒 $3xx

有魚都要打架。

12"缸已經夠細架啦，加缸內瀘會好浪費，又唔好生茵。

你考慮用最細的瀘桶好過啦，我13寸半都係用瀘桶(S-20 $270)。

你唔好去金魚街問，佢地實介紹你用掛瀘，我就係上左當，

用左100元買左個掛瀘，用唔到10天，1個星期就吵到死。

千萬不要上當。

用瀘桶，你將來玩24"缸都還可以用!!

水流勁唔勁ga? 可唔可以駁雨林管呢?

水流一定大啦，如果唔養好多魚，用小小缸內濾水OK啦。
如果諗住將來24寸缸用，一定唔好買濾筒住，因為12寸同24寸係爭好多的，除非你唔mind打風，你都可以買架。

jERRYcHAN:

唔怕會打風，用雨林管，出水向玻璃噴，已經唔會有打風既問題，

流量真係好大架，我就算係買袋裝魚養，唔過水都唔會死。即放入缸 ^^

如果你還怕會打風，用網布 或 棉包住支雨林管點都冇問題架啦。

我個但都好細 13寸半X 7寸X8寸, 隨時水容量都少過佢個12寸方缸!!

我用緊絕對係好用，先夠膽係度吹下水。 ^^

巧, 我都想用濾桶, 因為驚水流大, d鯛頂唔住

如果要搞咁多野，買濾筒番來棧搞。:f
你個CASE係買左濾筒，水流太大，唯有加雨林管，令出水出水向玻璃噴因而減低水流，如果射得勁，d水會fay出來tim.

後生仔, 屙得勁咪"fay"出黎囉 (講笑)

不過用濾桶+雨林管應該無問題, 我search 舊post 都有人咁用

JerrySan:

你放心啦，我冇搞咁多野，只是用雨林管向住玻璃噴，減低水流，避免打風姐，都冇你講既噴晒出來，我係用緊既，有實戰經驗，你有冇用緊而有噴晒出來既情況先?

另外，雨林管亦都是跟瀘桶送埋既，我實在想唔到有咩咁麻煩!!

P.S. 我唔係因為噴出來的水太勁先用 "雨林管"，係買既時候已
經想用架啦，你好似講到我買錯野唯有用住先咁既? 我可以保證，
缸水真係好靜，好清!!

同意, 你6角苔出晒泡, 我用掛濾出唔到因水流太大 /.\

^^ 我粒鹿角苔生得幾好，不過買返來既時候有 "黑毛藻"，我呢兩天浸緊舊沉木仔(就個魚缸size, 細舊又好樣都唔易搵!)，想移植到沉木度，學下各位前輩茉友造下景咁。