水草情迷

已開缸十日, 現本人魚缸資料更新如下:

1. Size: 14x8x10 吋
2. 燈: BOYU-T5 8Wx3, 光照時間: 0900-1400 hrs, 1500-2000 hrs
3. DIY Co2 (約1秒2泡) 24小時
4. ph值: 5.4-5.6
5. 溫度: 25-27度
6. 泥: ADA Africana 紅泥
7. 濾水器: 日生 CY-20桶濾 (有白綿同生物環)
8. 已種水草: 綠菊, 迷矮, 小榕, 紫紅丁香, 蜈蚣草, 紫三角草
9. 魚: 8條日光燈
10. 石: 兩舊木化石

PH 表


雨淋有小小打風


昨天的水變白


今天的水已變清



昨日在大陸洪湖買了一大堆器材, 超開心, 昨夜一返到屋企第一時間試PH表啦! 點知一試發覺缸水得4.7 PH, 嚇到我標尿, 即刻再用"7水"RESET個表, 再試發覺都係4.7-4.9 PH, 但係D魚勁生猛, 唔覺有問題WOR, 於是我無理, 繼續試新野, 唔要之前個AQUA CLEAR 個掛濾, 換左個國產日生 CY-20桶濾, 在入水加了新白棉, 出水加新生物環, 之後開掣發覺出水位接駁位漏水(真係一分錢一分貨), 於是即刻做修補, 解決了漏水問題, 但雨淋有小小打風, 跟住又發覺缸水開始小小變白, 心想, 呢次大鑊喇, 跟住再睇PH表, 發覺PH值回升至5.4-5.6水平, 之後有1-2條魚我發覺有上水面的跡象, 我即刻落氣PUMP, D魚又回復正常, 終於攪到今朝0600 hrs, 之後今日下晝便落街買了NO2 TEST KIT, 跟住返去升起氣PUMP試NO2, 結果NO2=0, 而PH表=5.4-5.6 無變過, 魚仔全部正常, 今日餵糧仲搶食添, 跟住我換了1/5水, 發覺PH表=5.7-5.8, 但一小時後PH表又回落至5.4-5.6

現在請問各大大:-
1. 開缸十日, PH表=5.4-5.6正常嗎? 如不正常點樣解決?
2. NO2=0, 是否表示硝化系統已建立呢?
3. 另外D草又唔多嘔泡, 迷矮發現有D暗又有D向上生, 點算?

你用得紅泥，預左係5以下，無需大驚小怪

可以點補救呢?

我試過pH5.5至6.0D蝦全部失踪哂三天之內慘慘慘慘!!!!! 通常換水後PH都會高D'ga你現在pH養魚一定無問題,至於燈方面好似不夠光喎点做光合作用呢!C02要和燈共用先至發揮益功能,知未?

請問要幾光呢?
PH值5.4-5.6對我的草和魚有不良影晌嗎?
另外PH值要點樣先升返6.5呢? 我已經開燈時先放CO2, 其他時候唔放CO2, KEEP住每日換水, 這樣可以嗎? 如果唔得可以點做呢? 因為我遲D會放工作蝦同埋會加魚

如果主要係要黎養草, 呢個ph冇咩問題, 一般水草係呢個ph都生長良好。

你可以去買一包珊瑚骨放係水或濾水器入面唔好放太多，ＰＨ好块升番要看住落唔好太多

種太陽草一流

放珊瑚骨, 又無不良後果呢 , 放幾多呢? 是否放在濾桶內呢? 當PH值回復正常後, 係唔係即時抽起珊瑚骨呢?

我同你問題一樣ＰＨ5-5,2放珊瑚骨之後ＰＨ現正昰6.3PH值回復正常後不用抽起珊瑚，你可以放入水不過唔好看，ＰＨ太低水草好難生得好，如果你唔放珊瑚骨用几多ＰＨ＋都冇用

放珊瑚骨, 會影響水既硬度, 冇必要唔好放, 呢個酸鹼度用ADA泥既人一定會經歷過。 用ADA泥既原因, 不外乎貪佢令水夠酸夠軟, 放珊瑚骨改變佢, 有點兒捉蟲。而且, ada紅泥既酸度並不持久, 到時可能唔夠酸既問題, 會令你更加頭痛。

明白了, 我會耐心每日換水, 因今日起身換水前ph=5.14, 換水後ph=5.9-6.0, 與昨天換水後比較, ph值有上升趨勢, 我相信時間可解決ph值的問題, 另外今日再量NO2=0, 是否表示硝化系統已建立呢? 仲有燈方面, 我之前用開T5 8w x 2 現在已換了燈T5 8w x 3, D草又唔多嘔泡, 迷矮發現有D暗又有D向上生, 點算? 係唔係唔夠光呢?

草唔嘔泡, 其實並唔代d乜, 好多因素都會令到睇唔到草嘔泡, 例如水流強弱等等。
如無意外, 硝化系統應該冇咩問題, 但係都要再細心觀察。
不過.......t5 8w x 3 可能唔多夠用

剛剛做完NH3, NO2, NO3 TEST, 結果係NH=0.25, NO2=0, NO3=0, 即係硝化系統未建立, 不過唔緊要, 時間應該可以培養硝化系統, 但這段時間係唔係應該減餵呢? 另外在科聯買了三支之飛利浦T5 8W, 個老闆話全世界T5 8W都無6000K, 至多5500K, 話over 6000K 都係假, 攪到我又想換燈, 換什麼燈可以夾我的14"缸呢?