水草情迷

討論區首頁 » 草論 » 水草種植 - 問與答

所有顯示的時間為 UTC + 8 小時

[問題] 個缸開始有藻應該繼續落肥嗎

第 1 頁 (共 1 頁)

[ 9 篇文章 ]

每隔48小時, 可推文一次

上一個主題 | 第一篇未閱讀文章 | 下一個主題

發表人

內容

CHANHO2010

文章主題 : [問題] 個缸開始有藻應該繼續落肥嗎

發表於 : 2009-03-19 17:59

註冊時間: 2008-04-30 03:04
文章: 281

開左缸幾個月到衣家d草都生得唔係好好綠蝴蝶既葉發黃唔夠綠但分枝都生得夠快 ;
珍珠草生長得較慢葉片有d黑
但係玻璃面上就開始有綠色一點點既藻
想請問呢個時侯應唔應加肥呢落肥會唔會導至爆藻呢?唔係既又點樣令水草生長得更好呢?
我有支 ada step1 啱唔啱用呢?
請指教

ADA II 泥
HQI 150w X 8hrs
CO2 + CO2溶解筒
25-28度

回頂端

雄雄雄

文章主題 : Re: [問題] 個缸開始有藻應該繼續落肥嗎

發表於 : 2009-03-22 19:13

註冊時間: 2008-03-16 15:24
文章: 540

點解會有咁多藻生架你地.我開缸2個幾月找粒藻到難.
只是係破璃找到幾點綠藻.一清就無.
不過我現時還未有下肥.等過一排d水真係唔肥就開始加.
我看你資料你用老仔照8小時.問題係唔知你個魚缸有幾大?
ada2代好呀.我都係用開呢隻.
其實ph值開缸初期可能過低,草就本身未係接受到.呢個時候
水中肥就知會益藻.而藻就會一路刻制了草的生長.
因為每種植物都會放出毒他性物體.藻多當然刻制草,草多當然刻制藻.
其實呢個道理好多人都知.
其實開缸初時就應種一d生長快速水草,光照時間不應太長.最好每天換水
使水中ph不會太酸.到ph正常返少少先開始打co2.唔係只會d水越來越酸.
草就更加難適應.到草真係開始成長先開始加肥.一開新缸就要養工作魚.
你d藻生到定了,就真係難對付.現在為有種一d生長快速水草和他對坑.
d草越生越好藻係會越來越少.希望幫到你 :grin:

回頂端

CHANHO2010

文章主題 : Re: [問題] 個缸開始有藻應該繼續落肥嗎

發表於 : 2009-03-23 02:22

註冊時間: 2008-04-30 03:04
文章: 281

師兄我同你一樣都係24"缸 100l水
聽你既分析可能係ph太低做成等我再量度下先
thx

回頂端

Daniel^~^

文章主題 : Re: [問題] 個缸開始有藻應該繼續落肥嗎

發表於 : 2009-03-23 02:52

註冊時間: 2005-03-22 11:38
文章: 1880
來自: Hong Kong

雄雄雄寫:

你嘅理論都幾獨特吓，「每種植物都會放出毒他性物體.藻多當然刻制草,草多當然刻制藻.
其實呢個道理好多人都知.」，我種咗咁耐草，爆過十幾廿次藻，都唔知呢個道理，得閑要請教吓你啦！

講樣嘢你知，無錯有啲水草係會產生一啲毒他性物質，防礙其他植物生長，但只係好少品種，例如蜈蚣草，如果隻隻水草都有毒他性，咁種到咁多款草，理論上只可以種一種草喎？！藻多克制草，草多克制藻並唔係因為水草會放出毒他性物體咖，學嘢啦！

首先講泥，ＩＩ代泥除咗快清同啱啲心急養蝦嘅人外，對種草嚟講一啲好處都冇。
第一，泥質比Ｉ代泥鬆散，好容易好快崩解，變成泥粉，泥粉沉積形成泥巴，疾礙水草根部生長，根部因吸取唔到養份令水草出現生長不良，嚴重會引致死亡；
第二，酸度比Ｉ代泥高，假設有兩個缸設備一樣，一個用Ｉ代，另一個用ＩＩ代，日常管理功夫一樣，經過兩個月後測試pH值，Ｉ代泥大約維持於6.0 - 6.5左右，而ＩＩ代泥會讀出低過6.0 - 5.5，即代表過酸，酸度高會影響硝化細菌系統建立，另外亦影響一啲水草嘅生長；
第三，冇Ｉ代泥咁耐用，正常情況下，Ｉ代泥係可以用上兩年或以上，而ＩＩ代非常短命，一般8 - 9個月，最多一年就要翻缸，因為已經崩解產生好多泥粉；
第四係肥力問題，由於Ｉ代泥比較肥沃，含大量有機肥，並以氮元素肥比重為主，因此對水草生長有極大幫助，假若開缸早期對水質管理及光照時間強弱控制得唔好，早期性爆藻問題會經常發生，只要做好以上功夫，或於該時間大量密植同種啲可以直接吸取NO3嘅植物並飼養工作魚，早期性爆藻問題係可以控制同防止。有唔少人知道ＩＩ代泥冇肥，會加基肥，如果對水質管理及光照時間強弱控制同樣做得唔好，一樣有藻產生。

其實藻類生長條件好低，一個正常草缸點管理得好都會有少少藻類出現，爆藻原因係由於一啲誘因引致藻類大量繁殖，甚至蓋過比佢高等嘅水草，影響水草生長，問題不外乎對水質管理及光照時間強弱控制得唔好引致，例如唔經理換水，換水只係換上層冇吸近泥面部份嘅水，因為NO3、NH4等物質係會沉於該部份，當不斷累積到某一個濃度時，會誘發藻類孢子繁殖，出現爆藻問題，再加上光照時間及強弱控制得唔好，例如時間過長，或有唔少人迷你強光，冇計算缸高度濫用鹵素燈，因太強光曬傷水草，因水草生長不良吸收唔到水中養份，同樣引致藻類大量繁殖，重有CO2不足，水草無法正常進行光合作用，生長不良，一樣引致爆藻。呢樣先係「藻強草弱，草強藻弱」嘅道理嘅正解。

_________________
穀精系列：霧島產穀精、鹿児島產朝日穀精、日本產穀精、日本白玉穀精、玻利維亞穀精2000, 2002, 2004型、南美Mini Taco、聖弗朗西斯科穀精、印尼蘇拉威西穀精、印尼火燄穀精、香港尼泊爾穀精、越南芒楊縣穀精......