水草情迷

D 草黃左, 應該加co2 set 好 or 加肥好?
小弟開缸兩個月, 草有莫絲, 香菇, 小水蘭, 鹿角苔, 蜈蚣草等,
早前黑毛藻大量入侵小弟個缸, 所上星期小弟把所有黑毛藻洗掉(出水&入水口, 用漂白水), 再加蜈蚣草, 洗濾涌(用舊水), 但過左一星期d 草黃黃地, 有咩方法? 小弟因工作唔係有咁多時間, 所以diy co2 時有時冇, 係咪應買套co2 set 會好d? 但我睇舊post 好似好貴, 要一千元左右, 係嗎? 我開缸到現在都未有加肥, 是否應慢慢開始加d 呢? 是否用tmg and eca 呢? if yes, 係邊度買到eca? 大約幾銀?
請多多指教小弟.........thx!

你要潛多D水，燈、二氧化碳、肥，三樣都唔夠，如果真係諗住長玩，基本設備唔少得，有時間出魚街行翻轉，你要既野有齊，氣樽就唔好係魚街買勒。

連燈都建議唔好係魚街買喇, 因為魚街賣d 套裝光管普遍用普通管, 唔夠光(lux), 因為一支超光管比普通管貴一倍, 成set 個價錢就要賣到$300/$400先有得賺, 通常一個24吋缸都要4支管, 2 set 就要成八舊水, 個market 未成熟去接受呢個價錢, HQI 都唔平, $1200 至 $2/3000, 但係diy就平得多啦, 所以玩耐左既網友多數都係diy, 最緊要係d草生, 你話係唔係?

多謝兩位師兄回應, 其實小弟冇比缸的設備, 現在後補, 希望可以教小弟多d 野, thx!
缸: 16"x 9" x 9.5"
濾水器: eden 501
泥: ada 紅色
燈: atman 18" (18w x 2)
魚: 小精靈x2, 飛狐x3, red nosex4, 三角燈x10 (已經冇咩點比糧, 一星期一次左右, 1 mins 食完)
我想知燈夠唔夠? 不是大約1L 1W ? 16" HQI是否太勁?
同時我個缸TEMP 好高, 大約27~28C, 會否另草草變黃最大因數?
我都想加肥, 但缸中還有菁苔, 加肥怕黑毛藻再生, 是否應等一會, 到水質再stable d 先加,
其實我諗是否先要搞好燈, co2, 水質, 最後先加肥, 那麼現在我的缸不是加肥的時候?
在下愚笨, 其實都潛水好耐, 看了很多舊post 都係不太明白, 煩請各兄指教.

16"好似係闊度，唔駛諗鹵仔，你加二氧化碳同肥先啦，二氧化碳開燈要有，試下用TMG，每日落幾滴，睇下有冇好D，有就每星期增加少少，之後先加鐵、鉀、ECA等。菁苔一定有，27~28C唔算高，要慢慢摸索。

你的草外表看來, 是不是乾乾黃黃的??
你在早一星期前用漂白水洗濾桶.....用手強行清洗葉上的黑毛藻
或者 黃了的地方之前生過黑毛藻....
因此小草都受唔住(拿)傷了(這個在初時是看不見的)
如果只是黃了一部份, 你只要剪去或等佢養傷把黃了的葉退掉 ,就冇事啦~
不過如果草上生滿黑毛藻, 你的草就可能會死啦(我朋友個缸有黑毛藻, 凡是生滿黑毛藻的水草都死了)
所以你要小心呀

感激兩位師兄
鏍絲兄: co2 係diy 長開......不過有時太忙會有一兩日冇左, or 好弱, 我會試下用TMG. 多謝指教!
狗仔兄: 不是用漂白水洗濾桶, 漂白水只係洗d 出入水口, 其實d 草有黑毛開始以經黃, 唔係洗完先黃, 有黑毛d 葉, 大部分都剪了. 感激指教!

第一要維持CO2, DIY唔穩定, 就來冇果時好多時唔捨得換而令到供應過少, 令CO2盡量溶於水又是要關注, 買套CO2啦, 1kg樽 $400, 減壓錶 $450, 尋舊文"新基", 番叉氣$35, 用2個半月 (上星期六叉完, 減左價), 另外要密植水草去"搶" 肥, d 藻先至唔生, 唔好"感激"(師兄版主例外), 我都系係呢個水草網學番黎.