水草情迷

岩岩新手, 第一次養魚..
岩岩搵到呢到, 都學左不小..
但仲勁多野唔識.. 請多多指較....


[center]下面係我既資料:

AA牌 13"闊既薄江 (10升) 有慮水器 $140
HAILEA 牌氣PUMP 仔一個 $30
沙 $20[/center]



[center]1st TANK (圖一)[/center]
100 條燈,, 2 羽毛刀, 10 金四間
沉木一大舊, 不知名草皮, 不知名水草
(無根)

首先我第一次唔知要等個江run好先可放魚, 所以已經犧牲左好多條燈, 有小部分開頭都發現一邊眼無左, 第二朝就... , 不過D四間就好勁咁活到呢家, 後面無根果D水草一個星期候都黃到上頂, 所以索性翻江..



[center]2nd TANK (圖二)[/center]
幾十條燈, 9 金四間, 4 唔知乜神仙, 3 金清道夫, 同埋幾十條好活躍既唔知乜屏...
一開二既沉木, 小扭蘭, 小香菇, 九冠, 唔知乜草球..

今次個佈局比上次成熟好多 (起碼我咁覺得), D 魚到呢家都尚算安樂 (翻江後第四日), 得一條"小活躍"係到"腆下腆下" , 好似狗追自己條尾巴咁, 相信時日無多, 其他都仲生生猛猛, 齊齊整整, 不過D 草就開始黃同霉, 好薄同弱..



[center]問題:[/center]
1) TANK1 後面果D水草叫乜??
2) 係咪無根好難生??
3) 我用 $20 一包既沙, 無用泥(貪平,資源有限), 係咪好難種草??
4) 我無CO2, 靜係得氣pump, 係咪又種唔到草??
5) D 燈,點解會無左隻眼? 係咪俾人食左?? 不過我都唔覺佢地有比人"釘".... 係咪唔放得埋定有病??
6) TANK2 入面條"小活躍"叫乜?? 條神仙叫乜? 個草球叫乜??
7) 我呢個江個SIZE 算唔算擠迫??
我每次一熄燈佢地就亂咁撞, 正唔正常? 會唔會有事?
9) D "小活躍"一到開飯就勁瘋狂!! 得番好小糧落到底去神仙果到,仲要佢懶得理, 有時仲罷食, 我試過兩隻糧, 有隻仲專係神仙食, 亦試過紅蟲, 佢都係懶理, 有無辦法??
10) 如果再翻江, 擺設上有無提議??

我每日餵一或兩小餐, 晒燈大慨12小時, 至今仲未換水, 因為不足一星期就忍唔住翻江 (草全部變黃), 亦打算每星期換半江水, 勞煩各大哥大姐指點迷津及多多指點... 亦多謝晒你地用左咁多時間睇我篇悶到嘔既文章 , 麻煩晒~麻煩晒... 唔該唔該...

我剩係識答呢幾條 :

d 草買返黎無根都唔會好難生, 主要問題係你個缸環境是否適合


係好難, 因為你無落肥, 又無控制 PH, 搜尋舊文關於 "根肥", "控制", "PH"啦


唔一定, 種陰性草咪得, 想知咩係陰性草, 搜尋舊文啦!


莫絲球, 陰性草是也


梗係迫, 前輩話 1Litre水1條魚, 你 1 Litre 3條


你個缸都俾唔到安全感佢地, 解決方法有三, 1)少d魚 2)換大缸 3) 加多 d 草, 多到佢無直路可以衝


方法同上


全種陰性草, 少 d 魚, 10條以下

補充：


白色草？ 我估可能是羽毛茜？但不確定。


我估就係你Ｄ金四間做既好事囉，仲有神仙都唔弱。你餵糧就食糧，唔夠食咪....... 所以此兩魚不建議與燈魚混養。


未定姐，過多兩三個星期會好好多。


如果不會換缸，最少資源下，繼續用沙，綁莫絲於沉木上，只養燈魚及金清道夫，其他魚送比人，燈魚死剩廿條前都唔好再加quote="TP222"]"TP222"]
我每日餵一或兩小餐, 晒燈大慨12小時, 至今仲未換水, 因為不足一星期就忍唔住翻江 (草全部變黃), 亦打算每星期換半江水, 勞煩各大哥大姐指點迷津及多多指點... 亦多謝晒你地用左咁多時間睇我篇悶到嘔既文章 , 麻煩晒~麻煩晒... 唔該唔該... [/quote]

減燈照至八至十小時，初期一星期至少換水兩次，每次三分一就可以了。

魚好像太多了！

最好改燈，原燈吾夠光。
最好加DIY CO2。因便宜。可以不用氣PUMP 。因頂濾已有足夠空氣溶入水。
TANK2 入面幾十條好活躍既唔知乜，[斑馬]
較平均餵食，試搜尋[餵食籃]。亦有可能魚未定水或健康有問題。
其它草友已答。希望幫到你

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

多謝咁多位大哥大姐解答,
其實疑問仲好多,

"1L 水 1條魚", 大魚細魚又點計法??
CO2, PH tester 都要成四,五十蚊一盒, BUDGET 有限, 有無其他平方法介紹??
夠竟係我開燈太多定係唔夠, D葉先會"溶"!?!?
原裝果支光管都有8W, 10 L 水都唔夠用??
我個頂濾係有個好似保鮮盒咁既野, 相信唔會入到好多空氣.. 而且又咁細個缸咁多魚, 都唔知佢地夠唔夠用..

我今日已經買左水肥, 同埋整左個 DIY CO2,
希望有幫助...

德國 SERA 隻FLORENA 好唔好?? 個牌子得唔得?? 個sales 係咁 sale呢隻同埋隻台灣唔知乜牌, 我就買左呢支試下... $28 100ml, O 唔 OK?