水草情迷

想請教各位前輩:
新缸開始落水草到今日第十一日, 幾棵蔶藻全都開始溶掉, 有兩棵闊葉太陽頂部兩吋也枯死, 另有兩種不知名但莖長, 葉片兩片兩片地對生的草也士整棵溶掉, 不知道是否不夠光?

size: 34"L x 16"D x 18"H, 新缸到已試水兩天半, 再換全部水才開始計到今日第十一日
泥: ADA 黑泥, 前二吋半後三吋半, 泥底加 ADA PenacW
濾水器: E仔2028, 900L/hr
光照: 頭九天只得舊14W ADA白管 x 2, 重要打橫過十六吋缸頂照落去, 因為支燈唔夠長, 每日照6hr, 缸兩邊d草自然追哂光, 跟住買了T5 21W x 4照6hr, 第九天開始, 過兩日會加多T5 21W x 4

落泥落水後, 有加定水劑(藍色魚型蓋, 灰色樽那隻, 牌子忘了), JBL硝化菌, 頭三天有落TK除藻水及Ammoc2防黑毛藻, 然後換三份一水, 再加定水劑, 硝化菌
第八天晚上落了兩條夢幻旗加四條飛狐, 第九天早上發現三條飛狐死了, 還有一條飛狐仍然未有下落, 兩條夢幻旗到今天仍然活潑, 回來後從未餵食 (或許今晚吧! )

草只落了很少, 紅菊, 紅太陽各兩支, 仍然OK, 因為由頭到尾d光管都放正紅菊, 紅太陽上面, 三棵闊葉太陽, 蔶藻五小棵, 一棵水芋(有很大葉片生上水面的, 因塊根太大, cut了半舊), 大沉木包鹿角苔同莫絲第九天晚上才落, 絲葉太陽六棵, 有一棵開始有枯的情形, 類似血心蘭葉底紅葉面綠的數棵 , 第十天晚上加了數棵寶塔, 全部草都種得好疏

昨晚在紅菊前一吋加了兩支根肥, 沒有基肥

CO2今日才開始, 一秒一個泡

請問有什麼問題? 是否只是開頭光照不夠?

有冇幫個魚缸降溫呀!如果水溫過高d草實溶曬.

今天先加co2.
如水草己種落缸最好燈同co2一切開和一切關,開缸11天比多小小時間水草息應.

試參考下:
1)硝化菌系統未完全建立, 水的生態循環未完成, 即水質仍未穩定!好果草都無生根的話,代表D草未適應新水質環境, 如果您倘未買其他的魚的話, 小弟大膽D建議你,大量投入菌種! (一次投入, 基本上是不會毒死D魚的!死左就算了!)
2)Ammoc2防黑毛藻?請不要再加此劑!小弟覺得既然都未有藻,你落黎仲MUD野?
3)落左co2後, 大約3四天左右,草應該會有起色!
4)唔洗再加根肥了, 暫時來說只會浪費!
5)放多少少工作魚落缸如小精靈, 黑鬍子,老鼠魚等等!(應不少於10條)
6)把快將溶掉的草拔出,睇下有無生根, 若無, 剪腳再插!
7)一般情況下,第七日就應該開始加少量綜合液肥了!你今日加左未?

繼續靜觀其變!

Sorry! 唔記得講, 水溫27C, 重低過個舊草缸!! 應該冇問題喎!

都好適應架啦, 適應到完全溶入呀

1) 投幾多? 正常三倍夠唔夠?
2) 加此劑因部份草從舊草缸移入, 而舊草缸黑毛藻茂盛, 但因有魚bb唔敢落, 而家冇魚就先剪後想再斬草除根
3) 等!! 寂寞到夜深..........
4) 落完先睇到舊post, 知道而家落 = 哂料, 遲左一步
5) 好, 今晚買隊敢死隊工兵先
6) 睇過, 冇生, 以為只要剪d溶嘅葉, 原來腳都要!
7) 益力多就.........嘻.................綜合液肥就未, 唔係話頭一個月唔駛加肥咩? 淨係唔駛加根肥? 咁加 ADA Step 1 同 ECA 可以嗎?

謝謝!!

大家研究下姐,有錯請指正:

1) 投幾多? 正常三倍夠唔夠?
(哈哈!小弟上年重新開缸時倒左半枝JBL及半枝PSB, 這樣起缸,的確快好多,但首十日最好唔好加肥喔!)

2) 加此劑因部份草從舊草缸移入, 而舊草缸黑毛藻茂盛, 但因有魚bb唔敢落, 而家冇魚就先剪後想再斬草除根!
(小弟比較奉行除藻用剪刀及自然方法去除,不加任何劑)


7) 益力多就.........嘻.................綜合液肥就未, 唔係話頭一個月唔駛加肥咩? 淨係唔駛加根肥? 咁加 ADA Step 1 同 ECA 可以嗎?
(其實係睇住如果草有根及葉增生, 可建議加少少幫幫新增的葉!少少無事的!唔洗怕!)

首先多謝賜教!!



1) 嘩.......... 三十倍唔止!!! 當時你個缸度有冇魚架?
2) 我有個蝦缸平時如果d草有藻就會搬過去比佢地清, 廉價勞工唔駛餵, 又快又乾淨又冇化學野, 但佢地唔食黑毛藻!!