[問題]新缸 24" x 12" x 18" ,想種以下水草及養細魚, 需要留意什麼呢

saiwing · **註冊時間:** 2003-05-13 17:46 **文章:** 135

新缸 24" x 12" x 18"

想種以下水草及養細魚, 需要留意什麼呢 ? 請指教.

扭蘭
金魚草
中柳
蜈蚣草
鹿角苔

GL · **發表於 :** 2003-05-19 12:55

需要留意什麼?
好大的問題!不如請你一個個問題point by point列出,否則,真的好難答!如果要答的完整,可能可以出本100頁的小書呢?
因為一些地方其實你已經知道,o甘, 人地就唔需要再寫太多多餘的東西了!(唔好介意,小弟只係建議姐!)

saiwing · **註冊時間:** 2003-05-13 17:46 **文章:** 135

Sorry, 問題可能太空泛了 ….. 其實想問:

1. 上述的草容易養嗎 ? 合新手種嗎 ?
2. 這些草可以同什麼魚一同養呢 ? (想養神仙, 燈魚, 紅劍, 孔雀, 老鼠, 蝦仔等, 可能太多了…)
3. 這些草需要什麼燈光 ? 用什麼燈比較好?
4. 需要加CO2嗎?
5. 需要加什麼肥料?
6. 水溫要set幾多? 夏天熱時如何控制?
7. 要用什麼沙或泥? 什麼牌子? 要幾多公斤才夠?

仲有 …. 都係晚一點再問。多謝各位指點。

GL · **發表於 :** 2003-05-19 15:16

如果你真的對水族飼養毫無經驗的話，小弟建議你先找尋一些初學者的貼文看看研究，特別是如何新設缸及培殖硝化細菌的步驟，這樣對你開缸及初期要汪意的地方會極之有幫忙助！回到正題：

1)上述的草容易養嗎 ? 合新手種嗎 ?
屬容易養的品種，但要知道所有水草都係必要CO2及光照先至可以生存喔，鹿角台要養得靚就更加不能缺少此兩樣維持生命的主要食糧。

2). 這些草可以同什麼魚一同養呢 ? (想養神仙, 燈魚, 紅劍, 孔雀, 老鼠, 蝦仔等, 可能太多了…)
除孔雀魚需要較高的PH值水質外，其他用PH=7或以下都唔會有問題，且這些魚不是好打之徒！另外還需要一些小精靈或黑線飛孤等工作魚！

3. 這些草需要什麼燈光 ? 用什麼燈比較好?
如果用T5光管，最好用三枝，分開插頭，買與缸長度稍短的型號即可！再DIY個膠燈箱即可！又可以用PLX1+T8管X2！

4. 需要加CO2嗎? 要，否則草唔會生得靚！
最好要有！但亦可以DIY喔！

5. 需要加什麼肥料?
ADA Step1綜合液肥，注意用ADA黑泥作底泥的話，首兩三個星期不要加液肥！

6. 水溫要set幾多? 夏天熱時如何控制?
用傳統電腦風扇或雪種可以在夏天控制水溫在27至29度的！

7. 要用什麼沙或泥? 什麼牌子? 要幾多公斤才夠?
大部份人都用ADA黑泥，因為水質較容易控制在PH=7以下或KH=3以下！

除外，小弟亦pm了一些可能對你有幫助的歷史資料給你參考!

查你事 · **發表於 :** 2003-05-19 16:20

GL兄上文6.提到的雪種是甚麼呢?Thx

GL · **發表於 :** 2003-05-19 16:40

雪種是密封膠瓶內裝著化學液體,用前放在雪柜冷凍變冰,一般用作外帶式冰箱作為保持汽水清涼之用,各大百貨或實惠等公司有售!

做法:在魚缸水開始升溫時投入魚缸,是浮的!一舊用完,再放另一舊,直至達到水溫下降的效用!

chiho · **發表於 :** 2003-05-19 21:53

{GL:大部份人都用ADA黑泥，因為水質較容易控制在PH=7以下或KH=3以下！}
但魚街D老闆話用 ADA黑泥,會酸D唔係太好,用杲ADA紅泥會好D,大部份水草都適用!!!!用沙會方便d,唔洗翻泥!!效果差不多???why?????

SuperCTW · **發表於 :** 2003-05-19 22:18

chiho : 用泥o既好處, 係種南美草會有顯著功效. 用沙係方便, 不過都係要鋪基肥, 都係要翻沙, 用邊隻, 睇你想種乜草囉.

潛多幾篇水, 收益應該不少.. 快些潛啦.

keisuke · **發表於 :** 2003-05-19 22:33

GL 兄:
相信有你的指導...新手獲益不小...
巨大包圍呀!
得你先甘有耐性呢...THANKS...
如果日日都是類似的問題...
可以出書了...

有無"雪種"圖片呀?
未見過呀...

saiwing · **註冊時間:** 2003-05-13 17:46 **文章:** 135

非常感激各位前輩指點，資料好有用。
我唸以後應該先search 下以前有過的問答才提出新問題。
但仲想問多一樣:

CO2 怎樣DIY呢 ?

SuperCTW · **發表於 :** 2003-05-20 11:16

saiwing 寫:

非常感激各位前輩指點，資料好有用。
我唸以後應該先search 下以前有過的問答才提出新問題。
但仲想問多一樣:

CO2 怎樣DIY呢 ?

嘿.. 呢頭又話去 search o既...
找一條給你吧.
http://www2.aqugrass.com/phpBB2/viewtopic.php?t=10446
去 diy 區看看, 有很多不同組合, 找出自己喜歡的吧.

GL · **發表於 :** 2003-05-20 11:46

keisuke:

幫新人,如果小弟有時間,又方便的話,小弟都會對一些新人作出"最初"或"迷惑期"的輔導, 之後, 就要等佢地自己來解決了!!!!!你亦有道理,幫得幾多 ar!
這裡有幾多新人或新網友 ,若是第一次或初學者,就要佢去自己search, 可能唔知如何是好,影響輕者,打消玩水族念頭,重者以後都唔上黎情迷吹水,o甘樣, 個網就搞唔起嫁啦!雖然,小弟非本網的owner, 但都想個網更旺更多人看, 自己更可識多幾個朋友ar 麻, 說句唔好聽的, 此謂拋磚引玉也!世界既野,不一定有好處先做的, 能夠幫倒人,自己亦會有滿足感的!再講,小弟
1)一來對於打中文字,唔覺得辛苦,都算快!(因工作需要掛!)
2)二來係有時間至o甘做姐!對無時間,日理萬璣的網友,就可能未必做到了!之所以,常抱住赤子之心,個人都會開心d啦!

回正題覆您的問題:
Sorry!小弟沒有此類照片在手, 但想, 你應該都會有時候行下街街喎!年青人麻!無理由未試過在百貨公司內見過,至少實惠都有啦,又或者,去旅行或燒烤時,可能有朋友會帶埋冰箱裝啤酒汽水,就會需要到此類雪種,用來保持飲料的冰冷麻!

唉!又打左o甘多字添!
後補:出書,在這裡o店輪得到小弟呀!見笑了!

keisuke · **發表於 :** 2003-05-20 12:23

真係越打越多字呀...

所以話GL/太陽草老人...等...
幫助了不小新手...

水草情迷

[問題]新缸 24" x 12" x 18" ,想種以下水草及養細魚, 需要留意什麼呢

誰在線上