水草情迷

因為剛搬屋魚街有沒有o岩16吋魚缸用既櫃,
話要過左年先可以訂做,
所以現在用左個24吋3桶櫃做魚缸櫃,問题就出現啦....
現在先發覺塊版有變形(中間小彎下)魚缸同塊版接觸面有小隙縫
得两邊成托住個魚缸唔知會有危险呢？(爆缸)
如果真的有危险咁中間揾野攝番等佢多點成托會唔會有好D呢？

你都係快ｄ訂做個缸啦

_________________
我ｄ缸：
30" x 14" x 22" ＋ 幾個缸仔
ex120，t5ho 39Wx4

我ｄ魚：
三間鼠+新燈+櫻桃燈+黑裙+燕子美人+黑摩利+班馬+金翅珍珠鼠+印第安鼠+紫羅蘭鼠+精靈鼠+白雲山+金三角燈+琥珀燈+紅衣夢幻旗+小鬍子+紅肚鉛筆+火焰熊貓+安瓊

因剛整好唔想又翻缸住 有無其它好方法呢 ？

當個櫃再彎既時侯 所承受的壓力會更加大
到了你要後悔的時侯就太遲了
(錯失太易 愛得太遲 )

暫時加多塊木板係底會安全d...
不過...都係盡快訂過個櫃...因為木變型後...承力能力會大減...

真係唔該晒各位...
但加多塊木板係底咁味有翻多次缸...
唯有快D訂櫃,但現在有過年唔知幾時先有貨
現貨我知有18吋櫃,但唔知用耐左會否有變形呢？

放完塊3分厚既木板 再去街市 "汁"番塊 厚厚地既發寶膠墊墊
但由於櫃身已彎了 所以作用不大..@@ 建議都係換番個櫃 好dd,,

其實用鋼架會好D嘛？因為我知木板你唔用佢都會變形既......

面板用鐵板相對木板會好一些...
因為木板會因收水而變型...
但可以說鐵板也和木板一樣...會因長期負重而漸漸變型...

因為我都諗住一陣出魚街睇下d櫃..ps(新手學種草中)
聽講如果想個魚缸櫃實淨d既話 首要是選用 實木,內部有"鑲"鋼架
再看的就是幾分木了
不知道有沒有說錯 如有不足請其他師兄/姐補充,,
可給小弟一點意見

http://www.shelf.com.hk/index.php?p=17& ... &lang=big5每層可承受250kg(500磅)，絕對安全。
如果面頭再加木板咁味解決到變型既問题囉...
咁真係做都後顧無憂

未用過呢隻...我係用訂做既木魚缸櫃...
除左塊面板外...買果陣可以留意一下佢既設計...包括佢承重後穩唔穩陣...會唔會兩邊擺...

一陣落樓魚街睇下先

真係設計做魚缸櫃的，18" 面放 16" 缸無問題。你的問題是用一個唔係設計在櫃面放重物的櫃放魚缸。如你細心留意，魚缸櫃的面板是較櫃身略大的，有種戴帽的感覺，令櫃面的重量平均地傳到櫃身，而普通櫃的櫃面為求美觀，是會和櫃身一樣大，並以 45度切角令收口更美觀，甚至最便宜的會將櫃頂板和層板一樣處理，夾在左右直板用螺絲收實，這種安裝是最易和最平，最小修口，但承托力最差，如果是這樣的設計，你加底板落魚缸底只會死得快D。

立刻出去買個 18" 魚缸櫃啦，不用反缸，只需將缸水抽剩 2"-3" 便可小心搬動，記得放發泡膠在底！

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

唔該你先^^
咁用18吋櫃味前後左右都凸...
咁味唔平均地傳到櫃身？
咁味會唔會好快有變形？
可唔可以用番魚缸送個塊在底？
如果用發泡膠要幾厚？thX