水草情迷

新手開缸
現在的樣子, 40".一個月缸
草沒有很多泡, 只有少少...
中景不突出, 珍珠追光生,
問題很多.....水不太清
請高手教路, 謝!!!

_________________
爆缸人!!!

新手開缸, 一個多月, 請指教!
w40"x d16" x h20"
濾筒: Tetra120D (1200l?!) <--- 夠唔夠打水流
co2: 一秒3-4個泡 (分解器ok嗎?!) <----- 好似打唔散, 仲要收貴我幾十蚊......
泥: 四包ada二代黑泥 <----係唔係黑泥?! 好似唔係黑色甘.....
燈: AquaGem 四支42" T5HO <------- 本人覺得不夠, ok嗎?!
左右出入水......

_________________
爆缸人!!!

對於一個高20"的缸，用T5HO肯定有點吃不消，中前境草追光體弱是正常，要改善可能只有用HQI了。要水清就只有讓消化系統建立好，要建立消化系統就要有耐性，千萬不要見水濁就換水，換水只會令剛繁殖的消化菌流失，令淨水效果減弱，令水清的時間延長。

嘩, 唔該晒你呀, 甘快覆
但係hqi很貴呀! 如果加一多套h5可以嗎?!
甘我依家上個禮拜剛換水, 下次要幾時換呢?
上次換水之前草上氣泡都多些, 一換就少好多!
甘其餘既野有無改善空間呢?!
謝~~~

_________________
爆缸人!!!

我個缸36"長22"高, 開左2星期以內 (21/01/08插草), 3~4吋泥左右, 用t5ho(39w) x 6 (不過只開四枝), 而家開6小時, d鹿角台同天葫荽都有出泡, d鹿角台係上星期五先買.

如果唔想用HQI就唯有用一個較矮的缸，加多一套H5固然可以增加整體量度，可惜光管散射的光源仍然是不能到底，對前景草的得益不大，這是quality唔係quantity的問題。

如果沒有災難性死魚、死草，我相信未來兩個月都不要換水，先讓缸內建立好一套系統先，雖然兩個月後這個未必係最理想的系統，但起碼建立了一條像樣的底線，有任何不妥當就在這底線上作修改。基本上每次換水都是把建立了的系統打亂，所以更加難去修正系統內不當的地方。我本人就非常不贊成用大換水、大反缸去解決一些如濁水、爆藻之類的小問題，當然我相信會有很多魚友不贊成我這種想法。

4 is not really enough ~~ ! your tank is around 200L water , 4 x 54 = 216W ...

You can consider adding 2 more T5HO la.. (324W in total)

20"高
洗d$ la行hqi
2千幾就有你想要既效果
如果唔+hqi都可以試下+厚d泥再+多套t5hox2

我個人意見, T5HO 是足夠的. 我的 18" 深, 珍珠生得不錯. 你的珍珠是如何插的?

42" 燈具，是 4x39W T5HO? 我覺得 20" 用 T5HO 是可以的，但你個缸最小要 6x39W T5HO.

40" 缸用 39w T5HO 兩旁會較暗，因 39W T5HO 是 約35" 長的留意不是每邊差兩吋咁簡單，缸兩側的玻璃會將光線反射入缸的，但當有 2' 虛位時，反射的光會大幅減少，所以兩側不宜種高光草。

你的燈如此擺法，右邊的暗位會更嚴重，但你偏將矮珍珠種在暗位區，所以追光也不意外。

一個 Tetra EX120 打 40x16x20 應唔多夠，落埋個 P30 吧，想買 eheim 就 2217 成 2028！

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

看你的圖片, 你的珍珠插法有問題. 你是整件放上去的吧! 我第一次種珍珠時都是這樣 lazy , 不過很快便知錯. 還是一片一片的插好.

買HQI都唔會比你而家既器材貴
去鴨記買都係五舊水有找
但係用HQI要有水冷..
水冷先貴
哈哈

哈哈, 好開心呀...原來依度有甘多人教我野.....
係依度祝大家新年快樂, 身體健康, 事事如意, 草有草缸靚;咸水有咸水靚!

但係依大家甘講
第一>>>我咪仲起碼要買多套hqi,
甘出面最平既又幾銀呢? 其實要用幾個膽, 同埋如果同t5ho比會用多好多電?!
第二>>>又要買多套水冷,
出面又係幾錢倒呢?! 同埋用幾大流量先至夠? 我以前都打算買, 因為想養蝦仔...嘻~~
第三>>>買多個濾筒, 但係又係要幾大呢?!
因為我依家都已經覺得水打出黎太大, 魚仔都企唔穩, 其實有咩準則呢?!
而駁法又會係點既呢?! (濾筒1->濾筒->水冷 / 濾筒*2[獨立]->又點落水冷呢?!)

我尋日回鄉又見倒魚街賣野好平, 甘買左幾舊木同草(迷矮,豹紋紅蝴蝶,紅頂?...)
同埋一大堆野都係二百大元.....甘買燈,濾筒既野又可唔可以番去買呢?!
係咪改善倒夠光就唔矮珍珠就唔會追光呢?定係如我依家甘擺就點都死呢???!

請指教(等我水清小小就再post新相上黎先, 嘻~~)......thx

_________________
爆缸人!!!

圖三果個擴散器廢架
水流好難教得岩
我願可用細化杯

大家都有唔同意見...... 又聽聽我的意見....
就係一切都唔需要變..... 希望你唔好亂花錢....

燈光 : 你的燈現在直接放在缸頂(聰明 ), 加上有厚的泥底... 其實是夠光種99%的水草了....
除非你一定要種另外果1%的水草啦... 如寬葉太陽, 新太葉, 波葉太陽...等等.. 或者想將d一般紅草種到好矮都爆紅...... 不然, 唔好花錢買燈住喇.....
(其實果1%,我都覺得有機會種到架喇 )

濾水器 : 單計濾水效果, 一個ex120一定夠, 只要正常餵食.
水流呢........ 強水流有強水流玩法, 弱水流有弱水流玩法..... 都ok....
親你現在水未清, 正好可以觀察一下水中的微粒, 睇下水流是否有走遍全缸... 有就ok喇.... 又唔好花錢住....
(當然, 如果你日後要加水冷, 就可能要加多一個pump或濾桶... )

co2 : 我見你個401擴散入面都有好多水...... 即係溶得ok.... 唔使改....... 當然, 細化杯在外觀上係靚少少.... 個人喜好而已....

新開缸, 只要觀察矮珍珠及太陽草, 如果正常生長就冇問題喇..... 我就你張相睇就冇問題啦.... 牛毛都生緊....

keep 住正常管理, 一個星期換三分一水, 修剪水草. 加適量工作魚.... 睇定d先, 留番d錢夏天加部水冷好過啦....
(因為你支燈咁貼缸頂, 水溫係會熱少少.... 不過.. 如果你屋企夠涼, keep到水溫唔過28度.. 都ok架喇....)



以上只作參考.

加油, 你個缸有少少景喇, 唔錯架... 努力

_________________

www.cau-aqua.net


http://killieclub.hk