水草情迷

最近剛剛搬完屋, 終於有時間去攪個魚缸, 手上有的是以下搬屋前的餘下物資:

30"x13"x20(h)"魚缸 約120L水
tetra ex90濾桶
雜色舊沙(撈左少少黑泥及蝸牛)
PL 24WX4 燈
一些染有黑毛的草
十數條魚及好多蝸牛

之前一路種草, 都是種到半生不死的, 每次最後都是被黑毛打敗. 睇完各師兄的文章後, 應該是冇落CO2的後果, 今次得到太太的批準, 可以買CO2了 . 希望各位教教路, 點可以種到健健康康的草及魚.

今次開缸, 主要參考了以下幾編文章
砂底種草 - 小結 + 半邊境http://www.aqugrass.com/phpBB2/viewtopic.php?t=109525&postdays=0&postorder=asc&start=15
三合一土作草缸http://www.aqugrass.com/phpBB2/viewtopic.php?t=96614
風。林。火。山 - 製 作 特 輯http://www.aqugrass.com/phpBB2/viewtopic.php?t=38319
造景設缸教學http://www.aqugrass.com/phpBB2/viewtopic.php?t=33784

參考以上幾編的是設底牀的方法, 並不是做景的技巧, 因為我是想種好草, 草草健康, 冇景都會睇得開心 (阿Q)

今次開缸, 額外買了以下魚缸用問:
penacW $98
泥炭土 兩小包 共 $16 (在花街的花寶買)
輕石 三小包 共$30 (其實我都唔知有冇買錯, 我問老闆LEE隻係咪蘭花用輕石, 佢話係呀, 佢叫蘭石, LEE隻啱啦, 有冇人可以話我知 )
仙土 三小包 共 $36 (每包1000g) (成條花街, 都找不到仙土, 問店員十個有九個唔知係乜, 唯一一間濱粉答我有, 話係仙人掌土#%$#, 我買的是叫黑仙土, 是黑色一粒粒的, 希望啱啦)

開缸步驟如下:
先灑上薄薄的泥炭土
再灑上六匙PENACW
放入輕石及黑土
在面頭舖上一層泥炭土約半CM厚
放上洗衣袋(因忙了買鋼網, 偷用家中太太的洗衣袋 )
舖上舊沙 (只計沙的話大約是前二吋後三吋)
放上膠袋後註水
水不太清, 好像有很多沙塵似的, 所以再換20L水
插入十支新的水草
放入兩隻舊蝦仔
今天沒有開缸燈

到第二天, 水還是好像有沙塵的樣子, 所以再換20L水, 及放多十多隻蝦仔, 及四條魚仔. 今天開燈大約六小時


現在只過了只是二十四小時左右, 水有點白我想都算正常, 但有沙塵的話, 除了每天換小部份水, 還有什麼好方法呢?

現在新開缸, 何時才開始要每天下肥?

CO2還未買, 可能要兩週後才有, 這段時間, 黑毛會不會又出現? 在未有CO2前有何良策?

我以上的做法, 有沒有什麼地方要留意呢?


望各位指教

舊草有黑毛就咪要

舊草有黑毛, 同沾有蝸牛, 其實個心都十五十六, 因為始終都係一棵植物, 掉了的話真的是很過不去, 可能會開多一個缸先放到那邊, 清除好才作打算, 但由我搬屋開始計, 那些水草到現在已經有一個月時間在不太好的環境下存放, 可能大部份已經 , 所以救到的都會留, 但先留在別個缸好了, 黑毛我都不太怕, 最怕是蝸牛

今天睇黎D魚蝦都沒事, 可能一路比我訓練有素, 所以都好健康. 但水還是很渾濁, 還是有沙塵, 所以加了PSB 30ml, 現在還在觀察中.

昨天落缸的兩條紅鼻的鼻子開始轉紅, 蝦也在換殼, 應該水質沒有太大問題, 所以擔粗粗最放兩條紅鼻, 兩條铅筆, 幾隻蝦, 及一家五口的三線落缸, 一來希望可以加快生態系統, 二來怕魚再留舊環境會有傷亡 (PS: 新缸會在今天加上暖管)

希望各師兄師姐可以比比意見 , 有什麼要留意呢

燈得PL24wx4都係只可以種陰草
同埋點解你要搞到個底床咁復習?
點解唔淨用ADA黑泥?

謝謝回覆呀,

之前試過用ADA黑泥(都三年前左右, 所以應該係一代卦 ), 可能我成日攪D泥, 所以泥會在大半年到就開始溶. 同埋就算用ADA泥, 個底牀如果唔落基肥, 聽師兄講都係用得一年半截到, 如果用POWER SAND S做底牀, 加我個缸用三包ADAII黑泥, 再加penacW.....未計CO2同加燈, 成平就要八百蚊 , 所以LEE個方案應該過唔到我太座果關 , 而家我只係用左二舊水, 第時養得好要加燈同其他野都易D

其實想用沙除了錢的問題外, 沙可以再用也是其中一個原因, 我也算是環保人士 , 而且有師兄可以成功, 我諗願意嘗試的話, 我都有可能做到呢, 不過就要各位師兄多多支持

燈方面我都覺得唔夠, 而且PL管現在係用大陸雜雞管, 因為好難找到PL PHILIPS管, 所以的確係唔多夠光的, 多謝你的意見 , 但係我個缸只有十三吋左右的厚度, 本想再加一SET T8, 但都好難, 只好在選草上下D功夫. 只好在下次買缸時, 真的要留意闊度到高度與器材的配合

其實看到ANDY兄的 "砂底種草 - 小結 + 半邊境", 看到在不太強光下除了水容, 皇冠草外, 原來還有很多草可以選擇, 所以我慢慢試, 我想總會種到健康的草呀

沙種有根的草最好加一些根肥.
用洗衣袋好像不太好...
20"都幾高下.一般20"會用HQI,無錢就沒法了.只好多選陰草吧

_________________
大和蝦x2新燈x7,三角燈x3,紅鼻x1粉紅旗x2紅肚鉛筆,角螺,鮑魚x1,櫻桃蝦x1,迷你雞泡x1
莫絲,水榕,牛毛,青椒,溫蒂椒,小對葉,針葉皇冠,小水蘭,黑木蕨,氣泡椒草,紅蝴蝶,迷矮
24x14x16,2222,PhT5HO24x2,CO2~2bps沙石,PSS

謝謝 eddygo

洗衣袋只係在冇辦法之中的辦法, 其實用鋼隔開底床同沙的原因, 我諗都係怕連根拔起水草時會有好多沙塵, 同翻缸時好難分開, 所以我都諗住平泥剪好了 . 當然用鋼網比較好呀, 多謝意見, 不過都改變唔到了

20" 其實減了泥, 大約由缸面到泥面大約十八吋左右, 我都想用HQI, 但一來錢, 二來係過唔唔到太座果關, 等種到有D成積, 先入紙申請啦 . 所以都好似你咁講, 選D而生的水草, 希望係唔太光下, 在其他地方配合都生到健康的水草.

開左四日缸, 今天又手多多攪個D沙, 同加有木, 所以D水越來越渾濁, 有冇乜好提意呢? 太座不耐煩了

支持你呀！努力呀！

（努力.....去搞掂個缸及太座既批文 ）

選擇易種的草是維持興趣的好方法，因為不會搶走顧太座大人的時間嘛！

我個剛出世的BB好LIKE望住而家個渾濁缸就已經係最有力的支持

努力呀,支持你(太座同草一樣比d時間和耐性一定得家,加油呀 )

水越來越渾濁,最好方法都係等....等多幾日先好換水唔好一次過換太多1/3~1/2好啦.唔等得就加d消化細菌會快d(記得開燈先加消化細菌呀)

_________________
闊葉螺旋鹿角苔;大莎草;背克椒草

多謝 tonyct 意見, 我太座昨天都話我攪咁耐都未得不如比個細缸佢自已攪 ,
PSB在開缸時落了一點, 因為我暫時沒有打氣, 所以不想加太多PSB了, 怕有反效果呢. 換水問題呢, 其實有點後悔, 我在第一次加水時就有錯誤. 我覺得應該是在落泥後, 第一次加水後應該是全部抽走再加新水的, 但我果晚太夜了, BB又比我走來走去嘈到訓唔到, 所以我落全第一次水, 只換走1/3水就算, 可能這個是多塵粒的主要原因

昨天第五日, 水還是偏黃, 及明顯沙塵粒未有沈澱, 所以在想是不是物理過濾出現問題, 還是水流太大草大太少, 所以沙塵無法沈澱, 以下是瀘桶的原本配致:

tetra ex90, 共四格 (底至頂)
第1層. 原裝黑色生物棉2件
第2層. 原裝生物環
第3層. AA生物環
第4層. 活性炭+原裝黑色生笏棉1件
在頂方再加上高密度海棉一片

但似乎這個設置對需要物理過濾的塵粒冇乜效果 , 所以昨天改了如下:
第1層. 原裝黑色生物棉2件
第2層. 原裝生物環+高密度海棉一片
第3層. AA生物環+高密度海棉一片
第4層. 活性炭+高密度海棉一片+原裝黑色生笏棉1件
在頂方再加上高密度海棉一片

這樣水流應對本身不夠用的EX90來說會慢了一點, 但希望可以快快過濾塵粒, 所以唯有試一下.

各位師兄, 可以對我的濾桶設置的前和後給一點意見嗎

_________________
設備:
W30"xD13"XH20"
TETRA EX90
CO2 SET
ATMAN PL 24WX4 + ATMAN T8 18WX2

草:
紅旦, 牛毛, 紅雨傘, 緑羽毛, 小紅莓, 紅絲青葉, 紅宮廷, 中柳
生物:
新燈X9, 九間鼠X2, 铅筆X2, 紅鼻X4, 三線一對, 三線BBX3, 雜蝦唔知, 螺.....

啊 , 看來都沒有意見呢, 但還是結果重要一點 經過一天的測試, 塵粒明顯少了, 過壓棉應該發揮了效用.

但水黃還未解決, 家中的木頭已經用了兩年以上, 該不會脫色的 會不會活性碳發揮不到應有的效果? 還是泥碳士及黑士的脫色, 連活性碳乜應付不了 現在只有換水, 換水, 再換水了

立刻換了五份一水, 看來水清了一點, 希望每天換一點, 一個week後可以有清澈的魚缸啦 還有要到 "利發行" 行一轉, 買些水草補品

_________________
設備:
W30"xD13"XH20"
TETRA EX90
CO2 SET
ATMAN PL 24WX4 + ATMAN T8 18WX2

草:
紅旦, 牛毛, 紅雨傘, 緑羽毛, 小紅莓, 紅絲青葉, 紅宮廷, 中柳
生物:
新燈X9, 九間鼠X2, 铅筆X2, 紅鼻X4, 三線一對, 三線BBX3, 雜蝦唔知, 螺.....

唔係 skip 你個 post, 但因要講的比較多，所以留在最後，要分幾次才答完

仙土：有 D 擔心你買錯左，因它是用作蘭花基肥，形態是 irregular 有大有細而不是黑色一粒粒的，勁污糟，用前要洗幾次，用搜尋舊文章可搵到相的，例如：
http://www2.aqugrass.com/phpBB2/viewtopic.php?t=56332

如你無買錯的話，30"x13"x20(h)"魚缸 約120L水 落 3kg 就太多了，小心留意爆藻。

施肥：新 set 缸插新草以小肥為妙，但砂底唔能夠好似泥底咁成個月唔加肥，基本上我見草一開始轉水就落液肥，但只是每星期兩次，每次落多小就睇有幾多草和種乜草，但多數係由說明書的 1/3 至 1/4 在右開始。如草順利生長無爆藻就一星期後keep 住份量但加至隔日落，然後再一星期後keep 住份量加至每日落，資然後就依草生長再慢慢加液肥量，任何時間見有藻增加就減返到上個星期的落肥 pattern.

Co2 要快 D 買，否則新草較難轉水。施肥可以等，但Co2 唔可以等！

新缸燈照宜由每天 4 小時燈照開始，但照開 6 小時無事便由它吧，但短期內唔好加長燈照了！

舊草有黑毛真的不宜留，新缸草弱藻強，風險非常大，建議儘快放棄這些舊草，玩水草缸，keep 個缸的 overall 生態健康和平衡，比任何個別草和魚更重要！

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

用沙種草預左有蝸牛，因水的 pH 較高，蝸牛壽命較長，所以壘積的蝸牛較多，唯有人手捉走D。可有加頭一條極細條的朱古力娃娃，可以幫到下，但一見佢咬魚就立刻送佢走，基本上缸中多蝸牛的話問題不大！

燈照 24wx4 在初期靠用，到草生到爆缸會唔夠，到時加 2 枝 30" T8 (ADA 30W NA 管，630mm 長)。 24W PL 好難搵靚管，香港 Philips 865 有 18W 同 36W 但無來 24W, 你試下 OSRAM 或喜萬年(SYLVANIA) 的 860 睇下有無啦！無特別草種或做景上要求，不需 HQI 啦，我個缸 24" 高都係 T5HO only.

落 PSB 的步驟如何？這菌需光才能生效的，所以加在主缸，不是加在濾桶，加 PSB 時應選剛開燈時加，令它能有較長的光照。建議先停濾水，令缸中無乜水流後，將要加的 PSB 用 1L 魚缸水開稀後儘量渾循地倒在缸內，等 10 分鐘待 PSB 菌已 settle 在缸底才開返濾桶。

濾材擺放，我偏向簡單為主，通常只用三種：生化棉，生物環和物理過濾棉。EX120 有 4 格，我會最底層放生化棉加小量生物環，第二和三屬放滿生物環，頂層則全用過濾棉。我對濾棉的要求是高密度，高疏水，受壓後不變形，最好係可以洗幾次都仲用到！Eheim 濾棉最正，超貴但長期無貨。Powerhouse PH 都非常正，魚街近旺角道成排硬件鋪其中一間有貨，上面講的頭兩項有D 矛盾，但 Eheim 和 Powerhouse 都做到！Dazs初出時用過唔係好掂，唔知有無改善。平就5蚊4包(最近有 D 鋪加價5蚊3包)，鬆厚身那隻，但一洗就壓縮成團，大打折扣。唔好用薄身高密度棉，疏水不足，用在抽油煙機一流，放入濾桶就係甘先。

水清的話，帶黃色也無問題的，用仙士加 Peat Moss, 要預左了。你用邊隻炭？呢隻試過唔錯：
http://www2.aqugrass.com/phpBB2/viewtopic.php?t=51594

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

Hi Andy兄

唔係冇話你skip我post呢 不過等你到答post我真係好高興就真

其實買泥時真係好怕買錯, 仙土, 輕石, peat moss 等, 都唔係係花街問下就有得買. 我都好努力咁search post, 但就唔知點解就係找不到你說這編
http://www2.aqugrass.com/phpBB2/viewtopic.php?t=56332

不過好在我買的仙土都有寫住 "峨嵋山黑仙土", 內裏的仙土是黑色, 也是不規則的, 每粒好像有好多切面, 所以我都當啱算了 , 但處理方法就錯了, 我沒有用水洗幾次, 只有下缸前在水盤沈一沈, 去掉浮水的雜物就用了, 可能這個是水黃及多塵粒的的主因 .
而分量方面, 其實真係冇idea, 所以舖了2cm的輕石後, 只是想用同等份量的仙土我想也差不多吧 ,及我在仙土及沙中間加上一層半cm的peat moss, 希望唔好爆藻啦, 請問師兄大約份量應該多少比較合適呢

聽過各位師兄都對ADA T8管的功用都好正面, 但我都係希望以平為主, 所以係想加T8, 但會找找平的T8管, 好收支平行麻

到現時為至, 還未有加肥, 還未有CO2, 每日換 1/5水, 水明顯開似清了, 明天再買ANDY兄提意的活性碳, 看看會不會再好一D

但舊的木原來沒有完全清潔好, 所以有一點點的黑毛, 大滯了 , 明天要出動大和藻蝦了

PS, 對ANDY兄說的濾棉: 高密度，高疏水，受壓後不變形 真係好有興趣, 想看看如何做到這個效果 (唔係唔信, 只係覺得好神奇 )

_________________
設備:
W30"xD13"XH20"
TETRA EX90
CO2 SET
ATMAN PL 24WX4 + ATMAN T8 18WX2

草:
紅旦, 牛毛, 紅雨傘, 緑羽毛, 小紅莓, 紅絲青葉, 紅宮廷, 中柳
生物:
新燈X9, 九間鼠X2, 铅筆X2, 紅鼻X4, 三線一對, 三線BBX3, 雜蝦唔知, 螺.....