水草情迷

大家好丫...經過大家既suggestion,今日終於都set好左公司8"個缸仔啦...
用左ada 2代泥 鋪1"半高到
用左一枝9w燈6500k既,
之後一個aquaone 100掛濾,唔要佢原先個舊炭,轉哂用powerhouse既生物環加番舊綿,開到差唔多一半到,唔太急的水流..

一開始鋪好哂泥之後就加水,加左一半到再插前景草,再加水,加多少少再插埋後景草,之後就加滿水,開掛濾,開燈,落硝化菌,照左四個鐘多少少就熄燈,d水好似都幾清...

但係我想問下其實點先為之d水清呢??另外,我都想問下我係唔係應該要日日換3份1水,再加硝化菌呢?定係應該點做呢...因為我爬過文,好似好少提到應該換2份1好定3份1好,定係唔駛日日換等d硝化菌生長呢?? 謝謝各大大~同埋燈個方面我應該一日一日加長個時間架~係唔係呢?

謝謝大家!!希望大家唔好介意有咁多問題吧~麻煩大家!

硝化菌,我用biodigest的

我都係新手...試下答....如有錯,其他師兄請指出

但係我想問下其實點先為之d水清呢??
肉眼看下去...感覺唔黃唔濁...就ok...

我都想問下我係唔係應該要日日換3份1水,再加硝化菌呢?
如水清,我便不換水(除左每周,定期換水),換水後加硝化菌

同埋燈個方面我應該一日一日加長個時間架~係唔係呢?
初初4小時,之後每1星期至10天加1小時(睇情況,如出藻會減光照時間),直至8小時為止....

OK~明白哂~因為今日番到公司睇下水,好似有d毛毛好好好好細條,所以都換左一杯仔水,再加多一枝biodigest睇下會唔會好d先...但係而家其實d水就好似清水咁囉,一眼就睇哂個缸有d咩...
一個星期先加一個鐘...等我仲諗住一日加一個鐘...其實係唔係唔太好的??
謝謝

我都想問下我係唔係應該要日日換3份1水,再加硝化菌呢?
打氣一至兩日後加小量魚ＯＲ生物等硝化系統ＯＫ啦，每星期換１／３水如果無問題便不需加硝化菌了

其實硝化系統得未係唔係真係只有睇下d水清唔清既呢??
有冇其他方法可以睇到呢...

因為我係新手而從來冇養過魚,所以最大問題係唔知點解我用ada 2代泥加完水之後係濛左一陣,大約一個鐘到啦,之後就開始清;再過多三個鐘到,就差唔多可以一眼望哂個缸有d咩野..好似清缸咁....所以我都唔知點先為之清....
希望可以指教下啦...麻煩大家!

看自己要求，你見到清就得啦！個人經驗24"~30"缸，通常開過瀘加氣泵打氣兩日，後加小量魚大約兩星期左右無死魚硝化系統便算成熟。

_________________
闊葉螺旋鹿角苔;大莎草;背克椒草

OK~明白哂!!
我今日都放係未放魚仔...但係個心好好好好想放!!!唔知可以忍到幾耐...哈!希望可以忍埋下個星期啦...