水草情迷

由於我還沒有開燈的timer及電池閥，而我又不想把照燈時間由返工打到夜晚，這樣好像照得太長，我可否由每天零時開始照燈及打CO2到第二朝七點？每日如是跟我在白天時照燈七個鐘有分別嗎？

無時間制就買一個啦~~
鴨記賣廿幾蚊，"溢本乘"都係賣四十幾

如果日頭無乜太陽照到，夜晚開燈都無乜所謂，如果唔覺得太光阻住訓覺既話…
我諗一般上班人士都會設定係黃昏開到夜晚吧~
養魚養到自己都睇唔到就無乜癮

時間制......日本城都係$30蚊個
時間制......真係好好用吾用吾得

當然有分別啦!! 如果你種陰性草，還沒有太明顯，如果係陽性草，你會見到D 草生得不太順利!! 雖然你早上沒有開燈，但由屋外或屋內的光照，都會使水草追向光源生。如果你有種過小圓葉、百葉等! 你會見到夜晚冇光照時，葉面會摺埋....好似睡眠中一樣，咁樣又點可以做到光合作用呢?

_________________

"一起推動水族設景潮流, 集思廣益, 雅俗共賞。"

明白了，今日已到日本城買了一個。現在解決了照燈的問題，CO2又可以全日開著嗎？

和燈同步就可以

不過好奇怪，今日買個時間制，佢係會按我調好的時間著燈，但著了過後，好像不會在預定的時間關掉，要人手打它關掉，不知道有什麼問題。

不知你的時間制是那一種,
如果不是電子式的,
一般是一個時間轉盤, 外圍全是開關制,
調好開關後, 時間一到打開, 時間一到關掉.
看你的情況, 時間轉盤是會轉動的,
可以用人手把轉盤轉動, 一到開關設定位時, 應有"得""得"聲的機械式開關制聲音,
如果光管不同步開關, 那麼便是機械式的開關制壞了, 換一個吧.

_________________
歡迎光臨
http://freetongdiy.blogspot.hk/

今日試過用人手把轉盤轉動, 一到開燈設定位時, 有"得""得"聲的機械式開關制聲音,燈就著了，但當我再用人手把轉盤轉動到關燈設定時，燈卻不會關，看來個時間制真的帶問題了。

時間掣除了轉盤外應該還有一個制比你撥的
用途是給你人手開關 / 跟轉盤的開關
如果你撥錯左就會長開或長關了
個時間掣應該有說明書吧，看看有無搞錯先