水草情迷

我係新手種水草~~

我果個係11吋長，高9吋，闊6吋ge魚缸，
有3cm厚ge陶砂，用細掛濾，夾燈(PL9w 7200k)
有氣泵同diy co2 平均3秒1泡
有一塊長12cm 高8cm 闊8cm ge沈木，

6條螢光斑馬(唔知係唔係......係螢光粉紅色加藍白線相間)
2條藍帝燈
2條蝙蝠鯧
3條黑裙
1條四間
1條金四間
2條小精靈
2條黑線飛狐

咁之前就買左一片大草皮(應該係珍珠草吧)，3棵小水榕
買時，老闆話用竹簽將佢固定，大約1星期就會有根捉住
但係2星期都無捉到，根就係咁伸長，又無嘔泡。
宜家就全部溶晒，搞到缸底又黑又污糟。
但係果3棵水榕就好靚好青綠~~

我想問係唔係用陶砂係唔可以養草皮ga？
一定要用泥呀？
但係佢又話陶砂帶微酸，可以養草
而且陶砂好輕，如果分開一棵棵去插，再等佢生成草皮，
就有好多會完棵浮上水面，我應該點做呀？

陶沙種草..真係唔知..草皮就真係好難..
同埋一塊塊既草皮本來就唔係咁好..好多一早壞死既草係下邊..
想要草皮都係用番泥好d..
用陶沙唔夠肥比草生長..而且又輕..草根都唔多爪得住

今日清晒d草皮，5個鐘後，
宜家d水榕ge葉底有泡泡，正唔正常ga？

水榕無嘔泡 - 正常

想請教，11"缸10L水唔夠，又有底材，又有本又有草；19條魚仲有位游咩？ 仲有蝙蝠

_________________
養緊鯛、養緊酋長、學緊養鯛、學緊養酋長；日日學、點解學極都學唔完！

水族圖庫

[quote="老柯"]水榕無嘔泡 - 正常

想請教，11"缸10L水唔夠，又有底材，又有本又有草；19條魚仲有位游咩？ 仲有蝙蝠

用氣泵就唔好加co2..因為無用..
加co2就唔好落氣泵...

你d水榕唔係嘔泡..因為以依家既設備跟未就唔會..應該係氣泵打出黎既氣去左葉底..

仲有...你個缸真係魚多左少少..同埋會變得好大下既中型魚都有..正如老柯咁講..d魚邊夠位游??

同埋你真係計錯數喎...就算當你個缸d水滿到瀉..都係得9.9L.. 點會有14L丫?? 當你留番1吋左右..個缸得9L咋..

係呀！明白，因為果6條螢光斑馬係同塊草皮果時一齊買同加ga！
其他都養左成年幾~~(小精靈就差唔多3年)

仲有我係開燈果時會關氣泵，一般6個鐘，都過左成個月，暫時無事~~

多謝各位指教~~