水草情迷

小弟較早前貪玩，利用水草夾把爪哇莫絲，強行插在缸後的石塊背景板上，開初的10幾天，那些爪哇莫絲死吓、死吓、又黃又枯咁樣，真係睇見都有些眼寃，而我又懶鬼理佢，心稔過多幾日如果種唔到，咪拔咗佢囉！

其後又開始覺得那些爪哇莫絲有咗些小生氣喎！心稔那些莫絲的生命力相當頑強。

最近兩日見那些爪哇莫絲，在石塊背景板上一路越生越長，所以用把較剪嚟修吓佢，突然發現那些爪哇莫絲，有部份更已自行攀爬倚靠著石塊背景板的罅往上生長，這可能就是養植水草的樂趣罷...！