水草情迷

回大長老:
在下所種的是普通太陽及蕢藻

o甘就唔係o甘好lor!
試下ECA啦!對南美草例如太陽草等幾Work嫁!
至於澤藻就可能係光照太強!試下移至弱光位處啦!

THANKS 大長老.

草缸缸面有一塊透明膠片好駛好用 :
1. 日間隔開燈光熱力
2. 夜間減慢水溫下降速度
3. 防止魚兒飛魚轉身跳出魚缸
4. 減少水份蒸發
5. 不會跌入東西入魚缸, 如假髮, 隱形眼鏡, 眼睫毛等.

如果一個星期換水1-2次, 那不須特別注入已蒸發的水份, 只要換水時一併注滿便可以了.

我也覺得不須加甚麼新水藥入新水, 因部份新水藥成份會將水中植物可用鐵質扣住, 令水草不能攝取水中鐵質. 但也不認同直接注入水喉水, 因為 :
1. 雖然你沒有落任何乜劑物劑, 但食水入屋前已被水務署落了很多大劑野消毒, 特別是氯氣, 對魚有害; 雖然魚唔死, 但都足以令魚兒感到不適,
你試下每個星期吸一口殺虫水, 都唔會死o架, 不過都會幾傷.
2. 先將食水注入水桶, 可先憑肉眼辨別水是否有問題才注入魚缸, 減低因水質出問題而發生的意外.

最好都係養水, 不過話得說回頭, 如果魚缸大, 確實是很難養水的, 儘量做啦! 對得住魚, 對得住草, 對得住自己.

個人認為，養水真的很麻煩，大缸重大鑊，亦可能影響家中其他人。個人的做法是做一個換水工具，一邊接水喉，一邊接一條普通打氣用的幼膠喉，這樣可把出水較到好慢，以我要加水約15 升為例，要大約個多小時才注滿。期間可以繼續睇電視，上網………..。雖然水喉水同缸水的溫度，酸鹼度等有唔同，但因為變化慢，所以對魚的沖擊其實唔係好大。以溫度為例，雖然最近天氣好凍，水喉水同缸水分分鐘有十幾度的分別。但我由開始加水到加滿，缸水祇係跌左一兩度，重係攤長個幾鐘咁跌，D魚應該受得住呢個咁少的變化。

由於48"缸,我換水時是把5分膠喉直接上浴室之熱水喉的花(汕)頭,加少少暖水就不怕水溫大降 !! 接喉頭在5金鋪有得賣,說是接花(汕)頭就得。

我都係駁落熱水器花灑龍頭,但唔舍得開熱水果part!不過,這是不錯的方法!