水草情迷

我沒有用活性炭的...
我覺得可能係o的液肥問題...
請問你地用開邊隻液肥架?
唔該

你的矮珍珠生得點呢？有冇向上飇高？事關矮珍珠要求好強光，而你又冇提矮珍珠有問題，咁雖然照睇你個缸係有加燈的餘地，但現時葉黃又未必係因為燈的問題。
你用甚麼底砂？用左幾耐？我睇左一下自己手上面的資料，話皇冠草好易因為唔夠肥，唔換水而出現奱黃、變白，以及有凹洞的問題，當中最有可能缺乏的係鎂或者鐵；如果黃得來又見葉脈係綠，好似棵聖誕樹咁，就係缺錳。亦可以留意最先出現問題的是新葉還是老葉，新葉有問題的話，顯示缺乏的養份是「不動」的養份，原先有的養份積存在老葉，新生長的地方就唔夠養份，譬如鈣、鐵等；如果係老葉最先變黃，顯示缺乏的係「可動」的養份，譬如鎂，養份都調動去新的生長點，於是老葉就變黃，枯萎。另外，缺氮亦可能令水草變黃，但睇你個缸有咁多魚，又如果你個硝化系統係健全的話，缸氮的機會就比較微。
小小愚見，唔知岩唔岩，請各人指正！