水草情迷

各位師兄:
我想問新設缸, D草又係新插既, 大部份既草都係切除左根部再插..係咁情況下, 就算夠光夠CO2,..D草草(陽性草)係咪都唔會出泡,..要等相當時間 - 生定後先會正常出泡呢?

唔係.....

睇下係咩草, 同埋你個缸既環境吧, 有些生得快既草, 係剪後再插, 第 2 日就會再出泡, 如果抽返株草出黎, 已經見生緊根添架.

_________________
多多交流, 多多研究, 多多搜尋
我的水族相簿

唔該板主^^
我個缸只係 14"x8"x9"
Settings 係:-
Eden 501
11w pl 兩支/8小時
4 頭風扇/10小時
co2 兩秒一泡..(太多d魚浮頭)
草 : 紅蝴蝶, 綠蝴蝶, 水榕, 鐵皇冠, 莫絲(扎在沉木上), 小梅竹(唔知有冇記錯名), 矮珍珠(向上生)...魚: 金條x7, 女王x2, 維吉塔x2, 金青台x2
時間耐左, co2 泡泡就會積聚係水面化不開,.咁情況係咪水質問題呢,..該如何改善?..
唔該哂各位師兄!!..

co2 泡泡就會積聚係水面化不開
係咪水面仲係有油層?

矮珍珠(向上生)
o係邊度買? 種矮珍珠好多網友都遇問題, 你睇下呢度有冇用:
http://www2.aqugrass.com./phpBB2/viewtopic.php?t=32437

要草草嘔泡, 強光同co2應該都走唔甩, 想知道個缸o既環境得唔得, 一係搵"渣"鹿角苔試下, 如果鹿角苔都嘔唔出, 其他o既都唔駛點諗, 咁就真係要再諗計.

To : Mareal..
哈哈..大哥早晨...先謝謝你的解答...
水面油膜未除.... 我諗可能係卦..
光同co2 我諗都應該夠... 因為水榕同鐵皇冠都係葉底出到泡..只係紅,綠蝴蝶出唔到..但係間中都發覺有d氣泡係草之間升上水面...唔肯定係出泡定係co2 既氣泡...
矮珍珠可能要拔掉換過d 插過...