水草情迷

我家一呎小缸開缸已有一年，暫未翻缸，最近發現水面有泡泡唔散同有油漬一層，但已經一個星期換兩次水及洗一次濾水器，除o左水質可能有問題之外，仲有無其他原因導致有咁樣問題，天氣溫度又有無關係？我養o左四隻蝦、十條燈魚、一 條飛狐以及三隻蘋果螺，請幫忙指教指教！

你洗濾水器既意思係咪只係換白綿,因為濾水照計不用一個星期洗一次,
至於除油方面,你可以用水妖精打散層油,又或者用吸油器吸左層油,但由於你個缸得一尺,我就唔鼓勵用吸油器,事關用完吸油器,你會發覺個缸冇乜位~~

因為我用o既濾水器係普通可調較大細水流o個種，裡面用o既唔係白棉，而係黑危硬身o的o個種，我都知缸細唔適合用格油器，不過我試過將水流較大少少都有o的改善！

如果有氣泵同時間制, 夜晚都可以打下氣, 都會化咁唔少油膜.

多謝各位幫忙！我都有諗過一呎缸實在滿足唔到我喇！缸太細就始終有所限制，所以正在考慮開一個24"(w)o既新水草缸！各位有什麼好意見可以提供一下！

24"... 轉個濾桶, 加埋除油器就得啦.
其他都係水多左, 泥多左. 仲要地方都用多左囉
呀, 燈光都要多埋添.

本來想開個36"(W)，不過屋實有太細而我又想整個深度深o的o既缸，因為我覺我深o的可以層次感好的，所以決定24"(W)x14"(D)。