水草情迷

落清水劑要好小心，唔到最後關頭唔好落。睇過唔少資料都話會影響成個缸的生態平衡，連一個自己有出清水劑的牌字的網自己都係咁寫。我之前試都唔見得好有效。
最好你都係等下先，但如果真係要急住在新年搞得佢好好睇睇，試下換水，換佢二份一，第二日再換多三份一，睇下D草頂唔頂得住？

咁慘~,~
過年前最快攪好既方法就係...搵曬d水,再搵幾條魚黎過骨先~再唔係問人借水啦~

換晒d水,放d萬龍,麗麗頂住先,益力多......係愛來飲ga,所以你都係自己飲好了.........

多謝各位意見......小弟d水依家清過波璃.....唔知係d益力多定係咩......落左四條新魚落去.......細條o既就冇事.....一條神仙唔知咩事死左........我覺得係冇氣......因為佢死前浮面..........我冇打氣.....

落新魚死魚係平常嘅事，唔使擔心，尤其係神仙，對水特別敏感，知你缸水清番，我都為你開心。

總結係益力多唔知好唔好.......想快d清返就要狂換水.....成日係屋企睇住d水.....一變色就換....一變色就換......唔洗兩日.....正常返.......換左過十次o既水.......同洗缸冇咩分別............

你咪試多次睇下好唔好囉,不過的小小個人建議,留返d益力多自己飲啦,唔好請d魚飲,會濁死佢地ga(我認為),我始終認為以分解乳糖為食的乳酸菌,是無可能代替以分解阿摩尼亞為食的硝化菌,如果小弟講錯d乜,請高人指正