水草情迷

你所遇到0既問題只好少事咋...咁就話放棄唔係呱...?
我當初遇到0既比你多啦...草唔生枯死...澡類橫行...魚蝦病死...矮珍珠變高...光線不足...總之就問題多多啦....就係因為唔甘心先堅持到依家問題慢慢解決0左咋...所以你都唔好放棄呀...?
另外你話0的魚有浮頭可能係你落CO2太多...
以你個缸0既大細一秒一個波好似多得濟喎...
我個18寸都你兩三秒一個咋...仲有你0既光照應該太多啦...
你個缸最多得12L水計流明比盡咪600 lm...但 3x8w T5有成1300 lm高出一倍有多呀...小心澡類喎...矮珍珠切勿打直插入泥唔係好難橫生0架...如果有乜唔明試下買多0的書睇or問多0的啦....

不要放棄啊!初時我給自己的外號是(魚兒殺手),生存率祇得10%,事 實上你己比我好很多,祇要有恆心及多些提問,一定可解決困難。

你種了兩樣（只是「立」眼見到，可能仲有）蓬新缸都好難仲既草：太陽同紅水柳，怪不得你會失望啦！

先搜尋一下一些較易種的水草吧！

還有，如你暫不會再加入其他短鯛，個樽暫時可以收起。

養水草可以怡情悅性，但也需要有點兒耐性喲！互勉之！

係lor, 好少事jei, 唔駛放棄wor, lee度有咁多勁人, 個個都會好樂意解答你既問題ga...
你可以試下種下d陰性水草先, 其實都可以種得好靚架!

一秒一個泡太多啦, 甚至連我用18" 缸(40L水)D魚都差D死呀(我試過), 現在我減慢到3秒一個泡就OK喇. 水草唔多, 就唔洗0甘多CO2, 太多CO2 D 魚就會呆0下呆0下咁

co2 可以唔減,只要把出水口吹向魚缸水面,
令水面流動有咁大得咁大 D魚就冇浮頭現象架喇!!
之後就唔洗打空氣啦!!

唔駛放棄,我試過成缸魚死剩係酋長都係咁養啦,而家條
酋長幾正呀,不過見你d矮珍珠生得比較高,應該唔夠光,
試吓用T5管LA

0畏, 佢已經用T5管啦, 乜你無聽書咩?
出去罰企, 今晚見家長!!! 講笑咋, hehe

哇~~放工返黎好多文~~
首先實在很感謝咁多位熱心支持,其實想係有咁想過,不過
做人點都係有始有終好o的,既然開始左靚又好唔靚又好,花花草草魚魚
都有生存權力,我會努力令佢地健健康康咖喇~~
其實而家我都冇計泡器,因為缸細,又唔想整太多野落去,所以又冇買囉.
所以而家我只係估估o下一秒幾個泡@@
燈照的時間又真係幾古怪o下,因為我要返工,所以放工返黎先開燈到
去訓之前就關,如果我早上開,返工又要關,咁我又睇唔到o的草了..呵~
光線問題,我估唔會唔夠光掛@@??已經3支T5,我反而真係怕太光...
藻既問題而家唔算係嚴重,之前幾天有見到有綠毛,唔知係唔係綠毛
一執仔o的絲長1mm~0.5mm到,係深綠色既,而家呢兩日又唔覺有了
不過玻璃面係有o的青苔,已經加了小精靈清,不過佢地好關燈後才會食咁
還有朋友說到濾水開到最大,唔需要打空氣,不過我試過開到最大,o的水
機乎嘖出來,而且好大風浪o的魚唔係好游到

個鯛罐既問題,我係想加多一對酋長的,不過都買唔到,又唔見到有得買
一唔係宏x果o的又好似死剩種咁,其它果o的又太貴,怕養死了又浪
廢金錢,而且個缸而家12條魚以平均1L一條魚來說,已經過多魚了
所以暫時又冇空間養,就係咁囉~

其實真係好感謝呢度o的朋友,係呢度係學到好多野同埋你地都好尊業~

可以用時間制,鴨記有得賣。

IKEA 賣$39

不過要加電磁開關co2...

哈哈,都唔係咁差je~~
我以前種得重差過你,e家好好多啦.
其實有問題咪續個續個改囉!!
冇人可以一步登天ge~~

努力o阿!!

千祈唔好放棄呀. 等我講啲經驗你聽啦. 我今年三十六歲養魚超過二十年從不間斷. 記得當年第一個魚缸係我老豆買比我既. 還記得只有兩條由山溪捉返嚟既金山鰂. 之後又養過海水魚,又龍吐珠,又七彩神仙,總之乜魚都養過. 到而家養水草做了初哥一名又要重新學過. 其實而家已經好好. 上網可以搵到好多人幫手. 以前缸魚有乜事真係叫天不應叫地不聞呀. 總言之有乜事上網問吓啲高手實有人幫你既. Don't Give Up(不過唔好問我因為我都係新手)

我同意矮缸係好易放棄.
不過俾多 d 時間同心思. 矮缸都可以好靚~~