水草情迷

諗住買大啲既牌子, 去左Dazs(德仕)買左一個24寸水晶缸, $420~

1.5個月後, 開始有幾個地方同時漏水, 幾秒1滴咁滲出黎!!!!!!!!!!

各師ching, Dazs魚缸好信唔過囉~

十樓個老闆話, P牌缸都多聽見人話漏水, 所以大家揀缸真係要小心啊!!

慘痛經歷

嘩.....我都有考慮過呢個牌子,P牌冇錯,我換兩個都差,未開缸只試水,膠邊都可以甩脫,應是膠水口,但我冇信心,唯有拿去填海,跟住ADA,一樣死,買缸真係買到怕,我想除非外國貨,否則真係冇保証,但香港似乎得黑鑽是外國做,Eheim也好似是中國做,其它就沒有了,但可惜是套缸...另外DAZS係香港公司,試下打去代理投訴傾下,應該佢會負責.............

師兄，試過去鋪頭搵過老世，態度惡劣（幫佢買既時候就扮好人），好似唔想負責，又要我拎個缸落去比佢睇，然後佢搵人試下係咪真係漏，大佬，我片都拍埋比佢睇，咁都仲想我拎返落去？車錢，時間，心血都蝕埋，我買過個唔好？已投訴至消委會！

http://www.dazs.com.hk/chi/p6.asp
試下打上寫字樓

拎咪拎
佢唔信漏水係佢鋪頭入邊試

師兄，我上年買過呢隻牌子嘅缸都係咁。個時第一次自己買啲簡單器材諗住養下魚仔，乜都唔識自己行行下入咗呢間嘢，買咗個9吋缸返去，第一晚即刻裸缸裝水試，第二朝漏到成地水，個人已經好很燥。 但因為想保險啲，驚自己前一晚有咩角落撞崩撞裂咗唔知，一陣去到俾佢眼利啲見到有裂痕，話係我自己整爛唔肯換，所以我就試真啲邊個位漏水。結果發現有個玻璃膠位根本黐唔貼玻璃！慘在就咁睇唔會見到（買個時都已經睇咗好耐，以為無問題），但裝水後就會見到慢慢漏水，係漏得極慢個隻（漏水位隔好耐就會有泡冒出），變相又試咗我勁耐！當堂火都嚟！ 即刻打去嘈！佢當然係叫我拎返去換！不幸中之大幸係我o個個係細缸，捧返出去都唔使 call 的士。去到舖，又要等佢試，佢試到真係漏就換過個俾我，問佢如果再漏有無第二個牌子嘅缸換，佢當然話無（個時新手，根本唔知咩舗頭會賣咩牌子嘅缸。）之後好彩無再漏，否則真係鬧到開拖都無用，反正佢最多只會又換過個俾我，換俾我之後又唔會俾我即場試水，就算試，除非試好耐，否則好似呢個咁漏得咁慢，即場試個一試都試唔到漏，弊在係自己往後捧來捧去嘅時間車錢都蝕埋，最慘係一心捧個缸返屋企想開開心心開缸，點知咁搞一搞，心情真係差到極點。 （尤其係新手第一次買缸，個下真係好想快啲養到魚！）

自此之後，我完全唔買 Dazs 任何嘢！ 當然，其它幾個時不時有人報告有問題嘅牌子嘅缸，我都一樣唔會再試。因為真係好憎捧嚟捧去左試右試仲要冒住個缸唔知幾時會漏到一地水嘅危險。

講返都仲有啲慶，打打下打咗咁大篇嘢……總之唔理咩牌子，希望啲舖頭唔好再入啲品質參差嘅缸啦！真係好煩架！漏水又危險（魚缸附近就可能係電掣位，一早起身唔知地下有水，隨時冼親啲老人家/大肚婆就大件事），捧來捧去換缸又煩又浪費時間車錢（我嗰時都諗過如果我係住天水圍/元朗，要換一個三四呎缸，啲的士或者雞記van啲錢都隨時夠買多個一至兩呎缸……）

祝各位用家好運，唔好中招。

師兄:我感同身受............

多謝分享,我呢幾日仲諗緊買14吋,仲以為細細個應該少問題....
By the way, dazs d 野真係咁雞? 仲打算買佢D水草泥種草...

我只知我嗰次經驗係咁囉，唔知其它師兄有無遇過……邊個買過中招或者覺得用開佢啲嘢無問題嘅，不妨出嚟交流下啦。

有名你叫.......得屎

師兄一語道破！

好彩睇到樓主分享，原先諗住今日走去買個 Dazs 既方型缸！


請問有邊 d 牌子有水晶缸又穩陣架？

買缸我只會用日本仔K缸...

K牌已執............

唔係嘛... K牌既質量 OK 喎...